yashayah 18:1-7
-
ithiyopiya ke khilaf sandesh (1-7)
18 keedon se bhinbhinate desh par dhikkar hai!ithiyopiya ki nadiyon ke paas base us desh par dhikkar hai!+
2 woh apne dooton ko samundar ke raaste,sarkande ki naav mein paani ke us paar bhejta hai aur unse kehta hai,
“hey furteele dooto, us raashtra ke paas jaao,jiske log unche kadvale aur chikni chamdeevale hain,jinse har koi darta hai.+
us raashtra ke paas jaao jo bahot shaktishali haiaur jeet-par-jeet haasil kar raha hai,jiske desh ko nadiyaan baha le gayi hain.”
3 hey desh-desh ke logo, hey prithvi ke nivasiyo,tum jo dekhoge woh pahadon par lahrate jhande jaisa hoga,tum jo sunoge woh narsinge ki aavaz jaisa hoga,
4 kyonki yahova ne mujhse kaha hai,
“main apne nivas ki jagah ko* chupchap dekhta rahoonga,maano din mein chilchilati dhoop pad rahi ho,angooron ki katai ke garam mausam mein os pad rahi ho.
5 fool poori tarah khil jaayenge aur angoor pakne lageinge,magar isse pehale ki katni ka samay aaye,uski daaliyaan daraanti se kaat di jaayengi,uski belein kaatkar feink di jaayengi.
6 woh pahad ke shikari pakshiyon ke liye,dharti ke jangli jaanvaron ke liye chhod di jaayengi.
poori garmi shikari pakshi unhein khaate raheinge,katni ke poore mausam mein jangli jaanvar unse apna pet bhareinge.
7 us vakt senaon ke parmeshvar yahova ke liye ek tohfa laaya jaayega,us raashtra se, jiske log unche kadvale aur chikni chamdeevale hain,jinse har koi darta hai,vahi raashtra jo bahot shaktishali haiaur jeet-par-jeet haasil kar raha hai,jiske desh ko nadiyaan baha le gayi hain.
woh tohfa siyyon pahad par laaya jaayega,haan, us jagah, jo senaon ke parmeshvar yahova ke naam se jaani jaati hai.”+
kai footnote
^ ya shaayad, “se.”
