yashayah 24:1-23
24 dekh! yahova desh* ko khaali kar raha hai, use veeran bana raha hai.+
woh use ulat dega+ aur uske nivasiyon ko titar-bitar kar dega.+
2 kisi ko bhi chhoda nahin jaayega,
na logon ko na yaajak ko,na naukar ko na maalik ko,na naukrani ko na maalkin ko,na khareednevale ko na bechnevale ko,na udhaar denevale ko na udhaar lenevale ko,aur na dendar ko na lendar ko.+
3 desh poori tarah khaali kar diya jaayega,use poori tarah loot liya jaayega.+yah baat yahova ne kahi hai.
4 desh maatam manayega*+ aur ghulta jaayega,upjaoo zameen dheere-dheere sookh jaayegi aur mit jaayegi.
desh ke bade-bade logon ki ginti ghat jaayegi.
5 uske nivasiyon ne use dooshit kar diya hai,+unhonne kaanoon ka ullanghan kiya hai,+ niyam badal diye hain+aur hamesha tak kaayam rehnevala* karar tod diya hai.+
6 isliye poore desh ko shaap khaa jaayega+aur usmein rehnevale doshi thehreinge.
isliye desh ke nivasi ghatte jaayengeaur ikka-dukka log hi reh jaayenge.+
7 nayi daakh-madira shok mana rahi hai,* angoor ki belein murjha rahi hain+aur jinka dil khush tha woh aahein bhar rahe hain.+
8 dafli par khushi ki dhun bajna band ho gayi hai,mauj-masti karnevalon ka shor khatm ho gaya hai,surmandal se khushi ka sur sunayi nahin de raha.+
9 daakh-madira peete vakt koi geet nahin gaaya jaa raha,sharab peenevalon ko sharab kadvi lag rahi hai.
10 tabah kiya gaya shehar veeran ho gaya hai,+ghar aise band pade hain ki koi andar nahin jaa sakta.
11 log sadkon par daakh-madira ke liye chilla rahe hain.
jashna ka kahin naamo-nishan nahin,poore desh se khushi gaayab ho chuki hai.+
12 shehar ujaad pada hai, uske faatkon ko todkarunhein malbe ka dher bana diya gaya hai.+
13 desh-desh ke logon ke beech mere log aise honge,
jaise jaitoon ke ped ko jhaadne par usmein kuch hi fal bache hon,+jaise angoor ki katai ke baad beenne ke liye thode hi angoor reh gaye hon.+
14 woh unchi aavaz mein pukareinge,khushi ke maare chillayenge,
pashchim* se yahova ke pratap ka ailan kareinge.+
15 woh poorab* mein yahova ki badai kareinge,+samundar ke dveepon mein israel ke parmeshvar yahova ke naam ki badai kareinge.+
16 prithvi ke kone-kone mein ye geet gaaye jaayenge:
“us nek parmeshvar ki mahima ho!”+
lekin main kehta hoon, “main ghulta jaa raha hoon! main ghulta jaa raha hoon!
haay! dagabaz daga de raha hai,daga-par-daga de raha hai.”+
17 hey desh ke nivasi! aatank, gaddha aur fanda tera intazar kar rahe hain.+
18 aatank ka shor sunkar jo koi bhaagega woh gaddhe mein jaa girega,gaddhe se nikaalkar jo oopar aayega woh fande mein fans jaayega,+
kyonki aakash ke jharokhe khul jaayenge,dharti ki ninv hil jaayegi.
19 zameen dol uthegi, fat jaayegi,buri tarah kaanpne lagegi.+
20 woh sharabee ki tarah ladkhadayegi,aise jhoomegi jaise jhopdi aandhi mein thapede khaa rahi ho.
woh apne apradh ke bojh se gir jaayegi+aur fir khadi nahin ho paayegi.
21 us din yahova oopar aakash ki senaaur neeche prithvi ke raajaon ke khilaf kadam uthayega.
22 unhein ikattha kiya jaayega,jaise kaidiyon ko gaddhe mein ikattha kiya jaata hai.unhein kaal-kothri mein band kar diya jaayegaaur kai dinon baad unse hisab liya jaayega.
23 poonam ki chaandni feeki pad jaayegi,chamakta sooraj bhi sharmsar ho jaayega,+kyonki senaon ka parmeshvar yahova, siyyon pahad par aur yarooshalem mein raja bana hai.+woh apne logon ke mukhiyaon ke saamne poori mahima ke saath raaj karega.+
kai footnote
^ ya “dharti.”
^ ya shaayad, “sookh jaayega.”
^ ya “pracheen.”
^ ya shaayad, “sookh rahi hai.”
^ ya “samundar.”
^ ya “ujale ke ilake.”
