yashayah 31:1-9
31 dhikkar hai un par jo madad ke liye misra ke paas jaate hain,+jo ghodon par bharosa rakhte hain,+jo yuddh-rathon ki bharmar dekhkar,jangi ghodon* ki taakat dekhkar un par aas lagate hain,
magar israel ke pavitra parmeshvar ki or nahin taakte,yahova ki khoj nahin karte.
2 par woh bhi buddhiman hai.
woh vipatti laayega, apni baat se mukrega nahin.
woh dushton ke ghar ke khilaf uthegaaur un logon ke khilaf bhi jo gunahgaron ki madad karte hain.+
3 misra ke log parmeshvar nahin insan hain,unke ghode koi andekhi shakti nahin haad-maans ke hain.+
jab yahova apna haath badhayega,to madad denevale ladkhada jaayengeaur madad lenevale gir padeinge,donon ka ek-saath naash ho jaayega.
4 yahova ne mujhse kaha,
“ek sher, shaktishali sher apne shikar ki rakhvali karte huye dahadta haiaur jab use bhagane ke liye charvahon ka jhund bulaya jaata hai,to unki lalkar sunkar woh nahin darta,unke shor se peechhe nahin hatta,vaise hi senaon ka parmeshvar yahova,siyyon pahad aur uski pahadi ki khaatir yuddh karne neeche utrega.
5 senaon ka parmeshvar yahova pakshi ki tarah furti se aakaar yarooshalem ko bachayega.+
woh uski hifazat karega aur use bachayega,use khatron se mehfooz rakhega aur use chhuda lega.”
6 “hey israel ke logo, us parmeshvar ke paas laut aao jiske khilaf tumne badi besharmi se bagavat ki.+
7 us din har koi sone-chaandi ke apne nikamme devtaon ko thukra dega, jinhein tumne apne haathon se banakar paap kiya tha.
8 ashshoori talvar se maare jaayenge, magar kisi insan ki talvar se nahin,woh us talvar ka kaur baneinge jo insan ki nahin.+
ashshoori us talvar se darkar bhaageingeaur unke javanon se jabran mazdoori karvayi jaayegi.
9 dar ke maare uski chattan gaayab ho jaayegiaur jhanda dekhkar uske haakim thar-thar kaanp utheinge.”yah ailan yahova ne kiya hai,jiski jyoti* siyyon mein hai, jiski bhatthi yarooshalem mein hai.
