yashayah 38:1-22
38 un dinon hijkiyah beemar ho gaya. uski haalaat itni kharab ho gayi ki woh marnevala tha.+ tab aamoj ka beta bhavishyavakta yashayah+ uske paas aaya aur usse kaha, “yahova ne kaha hai, ‘tu apne gharane ko zaroori hidaytein de kyonki tu is beemari se theek nahin hoga, teri maut ho jaayegi.’”+
2 yah sunkar hijkiyah ne deevar ki taraf munh kiya aur woh yahova se prarthna karne laga,
3 “hey yahova, main tujhse binti karta hoon, yaad kar+ ki main kaise tera vishvasyogya bana raha aur poore dil se tere saamne sahi raah par chalta raha.+ mainne hamesha vahi kiya jo teri nazar mein sahi hai.” yah kehkar hijkiyah fut-futkar rone laga.
4 tab yahova ka yah sandesh yashayah ke paas aaya:
5 “tu hijkiyah ke paas vaapas jaa aur usse keh,+ ‘tere purkhe daavid ke parmeshvar yahova ne kaha hai, “mainne teri prarthna suni hai,+ tere aansoo dekhe hain.+ main teri umra 15 saal aur badha doonga.+
6 main tujhe aur is shehar ko ashshoor ke raja ke haath se bachaunga aur is shehar ki hifazat karoonga.+
7 yahova ki taraf se tere liye yah nishani hogi jisse tu yakeen kare ki yahova ne jo kaha hai use woh poora bhi karega:+
8 aahaj ki seedhiyon* par dhalte sooraj ki jo chhaaya aage badh chuki hai woh das kadam peechhe ho jaayegi.”’”+ tab seedhiyon par sooraj ki jo chhaaya aage badh chuki thi woh das kadam peechhe chali gayi.
9 yahooda ke raja hijkiyah ki rachna jo usne beemar hone par aur theek hone ke baad rachi thi,
10 mainne kaha, “apni aadhi umra jeekar,main kabraa ke darvaze se andar jaaunga.
meri zindagi ke bache huye saal mujhse chheen liye jaayenge.”
11 mainne kaha, “main yaah,* haan, yaah ki meharbani dekhne ke liye zinda* nahin rahoonga,+
main insanon ko fir kabhi nahin dekh paaunga,kyonki main mare huon mein jaa miloonga.
12 charvahe ke tamboo ki tarah,mera dera ukhaad diya gaya hai aur mujhse le liya gaya hai.+
jaise julaha kapda bunkar use lapetta hai, vaise hi mera jeevan lapet diya gaya hai,karghe se kaatkar alag kar diya gaya hai.
subah se shaam tak tu mujhe dukh deta hai.+
13 main subah tak apne man ko shaant karta hoon,
magar tu sher ki tarah meri haddiyon ko todta rehta hai,subah se shaam tak mujhe dukh deta hai.+
14 batasi aur saarika* ki tarah main chin-chin karta hoon,+faakhte ki tarah karahta hoon.+
oopar dekhte-dekhte meri aankhein pathra gayi hain.+
‘hey yahova, main bahot dukhi hoon,mera sahara ban jaa!’*+
15 main kaise uska shukriya ada karoon?
usne mujhse jo kaha, woh poora kiya,mushkil ghadi mein mujhe sambhala.
isliye saari zindagi main namra bana rahoonga.
16 ‘hey yahova, is kaaran* log zinda hainaur isi kaaran meri saansein bhi chal rahi hain.
tu meri sehat mujhe lauta dega aur meri zindagi salamat rakhega.+
17 dekh! shaanti ke bajay main kadvahat se bhar gaya tha,par tujhe mujhse gehra lagav tha,isliye toone mujhe vinash ke gaddhe mein girne se bachaya,+
mere saare paapon ko apni peeth ke peechhe feink diya.*+
18 kabraa* tera gungan nahin kar sakti,+na maut teri badai kar sakti hai,+
jo neeche gaddhe mein jaa chuke hain, woh tere vishvasyogya hone ki aas nahin laga sakte.+
19 zinda insan, haan, jeevit insan hi teri badai kar sakte hain,jaise aaj main kar raha hoon.
ek pita apne bete ko tere vishvasyogya hone ke baare mein sikha sakta hai.+
20 hey yahova, mujhe bachaki main zindagi-bhar tere bhavan mein, yahova ke bhavan mein,doosron ke saath taaronvale baaje par apne geet baja sakoon.’”+
21 fir yashayah ne raja ke sevkon se kaha, “sookhe anjeeron ki ek tikiya laao aur raja ke fode par lagao taaki woh theek ho jaaye.”+
22 hijkiyah ne yashayah se poochha tha, “main kaise yakeen karoon ki main yahova ke bhavan mein fir jaa paaunga? kya tu mujhe iski koi nishani dega?”+
kai footnote
^ shaayad in seedhiyon ka istemal ek dhoop-ghadi ki tarah samay maapne ke liye kiya jaata tha.
^ “yaah” yahova naam ka chhota roop hai.
^ shaa., “jeeviton ke desh mein.”
^ ya shaayad, “saaras.”
^ shaa., “mera zamin ban jaa.”
^ yaani parmeshvar ki kahi baaton aur kaamon ke kaaran.
^ ya “apni nazron se door kar diya.”
