yashayah 66:1-24
66 yahova kehta hai,
“swarg meri raajgaddi hai aur prithvi mere paanvon ki chauki.+
to fir tum mere liye kaisa bhavan banaoge?+
mere rehne ke liye kahaan jagah banaoge?”+
2 yahova ailan karta hai,“mere hi haathon ne in sab cheezon ko racha hai aur ye vajood mein aayin.+
fir bhi main us insan par dhyan doonga,jo deen hai aur toote man ka hai aur jo meri baaton par thartharata hai.*+
3 bail ki bali chadhanevala, us insan ke samaan hai jo kisi ka khoon karta hai,+bhed ki bali chadhanevala, uske samaan hai jo kutte ki gardan todta hai,+bheint ka chadhava chadhanevala maano sooar ka khoon chadha raha ho!+
yaadgar ke liye loban jalanevala,+ uske samaan hai jo mantra japkar aasheervad deta hai.*+
unhonne apni raah khud chun li hai,woh ghinauni baaton se khush hote hain.
4 isliye main unhein apne tareeke se saza doonga,+jin baaton se woh khauf khaate hain vahi un par le aaunga.
kyonki jab mainne unhein bulaya to kisi ne javab nahin diya,jab mainne unhein samjhaya to kisi ne meri nahin suni.+
woh unhin kaamon mein lage rahe jo meri nazar mein bure theaur unhonne vahi chuna jo mujhe bilkul pasand nahin.”+
5 hey yahova ki baaton par thartharanevalo,* suno!
“tumhare bhaai jo tumse nafrat karte hain aur jinhonne mere naam ki vajah se tumse kinara kar liya hai,woh dikhave ke liye kehte hain, ‘yahova ki mahima ho!’+
magar jab parmeshvar prakat hoga, tab tum khushi manaoge aur woh sharminda honge.”+
6 suno! shehar mein hohalla mach raha hai, mandir se aavazen aa rahi hain!
yahova apne dushmanon ko unke kiye ki saza de raha hai.
7 isse pehale ki us aurat ko prasav-peeda uthe, use bachcha ho gaya,+
isse pehale ki use bachcha janne ki peeda uthe, usne ek ladke ko janm de diya.
8 kya kisi ne kabhi aisi baat suni hai?
kya kisi ne kabhi aisa hote dekha hai?
kya koi desh ek hi din mein paida ho sakta hai?
ya koi raashtra achanak hi janm le sakta hai?
magar siyyon ne prasav-peeda uthte hi ladkon ko janm de diya.
9 yahova kehta hai, “kya main ek bachche ko janm ke samay tak pahunchkar use paida na hone doon?”
tera parmeshvar kehta hai, “kya main garbh mein bachcha thehrakar use garbh se nikaalne na doon?”
10 yarooshalem se pyar karnevale sab logo,+ uske saath khushiyaan manao aur jhoom utho.+
us nagri par shok mananevale sab logo, uske saath magan ho,
11 kyonki tum uski chhaati se doodh peekar tript hoge aur dilasa paaoge,tum ji-bharkar peeoge aur uski badi shaan dekhkar khushi paaoge.
12 yahova kehta hai,
“main use nadi ke samaan shaanti doonga,+umadti nadi ke samaan desh-desh ki shaan doonga.+
tumhein doodh pilaya jaayega, god mein uthaya jaayegaaur pairon par khilaya jaayega.
13 jaise ek maa apne bete ko dilasa deti hai,vaise hi main tumhein dilasa deta rahoonga+aur yarooshalem ke kaaran tum dilasa paaoge.+
14 yah sab dekhkar tumhara man khushi se jhoom uthega,tumhari haddiyaan nayi ghaas ki tarah lahlaha utheingi.
tab yahova ka haath* uske sevkon ke liye prakat hoga,magar apne dushmanon ko woh dhikkarega.”+
15 “yahova aag ki tarah aayega+aur uske rath aandhi ki tarah aayenge.+woh apne krodh ki jaljalahat mein badla leneaur aag ki jvala ke saath fatkaar lagane aayega.+
16 yahova aag se, apni talvar se,sab insanon ko saza dega.tab kai log yahova ke haathon maare jaayenge.
17 jo baagon ke beech khadi moorat ko poojne ke liye khud ko taiyar aur shuddh karte hain+ aur jo sooar ka maans, ghinauni cheezen aur choohe khaate hain,+ woh sab ek-saath maare jaayenge.” yah baat yahova ne kahi hai.
18 “kyonki main unke kaamon aur vicharon ko jaanta hoon. main desh-desh ke aur alag-alag bhasha ke logon ko ikattha karne aa raha hoon. woh aayenge aur aakaar meri mahima dekheinge.”
19 “main unke beech ek nishani thehraunga. main apne bache huon mein se kuch logon ko un deshon mein bhejoonga, jahaan na to kisi ne mere baare mein suna hai aur na meri mahima dekhi hai. main unhein teerandazon ke desh tarsheesh,+ pool aur lood+ bhejoonga. aur toobal, yaavan+ aur door-door ke dveepon mein bhi unhein bhejoonga. woh desh-desh mein meri mahima ka ailan kareinge.+
20 jaise israeli saaf bartanon mein yahova ke bhavan mein tohfe laate hain, vaise hi ye log sab deshon se tumhare saare bhaaiyon ko laayenge+ aur unhein yahova ko tohfe mein deinge. woh unhein ghodon, khachcharon aur tez daudnevale unton par, rathon aur chhatvali gaadiyon mein laayenge aur woh sab yarooshalem mein, mere pavitra pahad par aayenge.” yah baat yahova ne kahi hai.
21 yahova kehta hai, “unmein se main kuch ko yaajkon aur kuch ko leviyon ke taur par le loonga.”
22 yahova ailan karta hai, “jaise main naye aakash aur nayi prithvi+ ko bana raha hoon aur woh mere saamne hamesha kaayam raheinge, usi tarah tumhara vansh* aur tumhara naam bhi bana rahega.”+
23 yahova kehta hai, “ek naye chaand se lekar doosre naye chaand takaur ek sabt se lekar doosre sabt tak har insan aakaar mujhe dandvat* karega.+
24 woh baahar jaakaar un aadmiyon ki laashein dekheinge jo mere khilaf ho gaye the,un laashon mein lage keede nahin mareingeaur unhein jalanevali aag kabhi nahin bujhegi.+
un laashon se sab log ghin kareinge.”
kai footnote
^ ya “baatein jaanne ke liye betab rehta hai.”
^ ya shaayad, “jo kisi moorat ki badai karta hai.”
^ ya “baatein jaanne ke liye betab rehnevalo.”
^ ya “ki taakat.”
^ shaa., “beej.”
^ ya “meri upasna.”
