yashayah 7:1-25
7 un dinon yotam ka beta aur ujjiyah ka pota aahaj, yahooda ka raja tha.+ us vakt seeriya ka raja raseen aur israel ka raja pekah,+ jo ramalyah ka beta tha yarooshalem se ladne aaye. lekin woh* use apne kabze mein nahin kar paaya.+
2 jab woh chadhai karne aaye the to daavid ke gharane ko yah khabar di gayi, “epraim* ke saath seeriya bhi mil gaya hai.”
yah sunte hi aahaj aur uske logon ka dil aisa kaanp utha, jaise jangal ke ped aandhi mein kaanp uthte hain.
3 tab yahova ne yashayah se kaha, “zara apne bete shaar-yaashoob*+ ko lekar aahaj ke paas jaa. woh tujhe ooparvale taalab ki nahar ke chhor par milega,+ jo dhobi ke maidan ki taraf jaanevale raajmarg ke paas hai.
4 usse kehna, ‘ghabra mat! seeriya ke raja raseen aur ramalyah ke bete+ ke dhadhakte krodh ko dekhkar khauf na khaa, na himmat haar. kyonki woh donon jalti lakdiyaan hain, jo bas bujhane par hain.
5 seeriya, epraim aur ramalyah ke bete ne milkar tere khilaf saazish rachi hai aur kaha hai,
6 “aao hum yahooda par dhaava bol dein aur uske tukde-tukde kar dein.* aur taabel ke bete ko vahaan ka raja banayen.”+
7 saare jahan ka maalik yahova kehta hai,
“aisa kabhi nahin hoga!
unki saazish kabhi kaamyab nahin hogi.
8 seeriya ka sir damishk haiaur damishk ka sir raseen hai.
65 saal ke andar epraim tahas-nahas ho jaayega,uske logon ka vajood mit jaayega.+
9 epraim ka sir saamriya hai+aur saamriya ka sir ramalyah ka beta hai.+
jab tak tum logon mein mazboot vishvas na ho,tum mazbooti se khade nahin reh paaoge.”’”
10 yahova ne aahaj se yah bhi kaha,
11 “maang, tujhe apne parmeshvar yahova se kya nishani chahiye.+ chahe woh kabraa jitni gehri ho ya aasman jitni unchi, main woh nishani tujhe zaroor doonga.”
12 lekin aahaj ne kaha, “nahin, main koi nishani nahin maagoonga. main yahova ko nahin parakhna chahta.”
13 tab yashayah ne kaha, “ae daavid ke gharane, sun! kya insanon ke sabraa ki pareeksha lekar tera ji nahin bhara, jo tu parmeshvar ke sabraa ki pareeksha lena chahta hai?+
14 ab yahova khud tujhe ek nishani dega. dekh! ek ladki garbhvati hogi aur ek bete ko janm degi.+ woh uska naam immanuel* rakhegi.+
15 isse pehale ki woh ladka burai ko thukrana aur achhai ko apnana seekhe, woh sirf makkhan aur shehad khaayega kyonki khaane ko aur kuch nahin hoga.
16 aur jab tak woh ladka burai ko thukrana aur achhai ko apnana seekhega, in donon raajaon ke desh poori tarah khandhar ban chuke honge,+ vahi raja jinse tu dar raha hai.
17 yahova tujhe, tere pita ke gharane ko aur tere logon ko aisa din dikhayega, jo tumne tab se nahin dekha jab se epraim, yahooda se alag hua hai.+ woh tumhare khilaf ashshoor ke raja ko bhejega.+
18 us din yahova seeti bajakar door misra mein neel ki dhaaraon se makkhiyon ko aur ashshoor se madhumakkhiyon ko bulayega.
19 woh sab-ki-sab aakaar gehri ghaatiyon, chattan ki dararon, kanteeli jhaadiyon aur paaneevali jagahon par chhaa jaayengi.
20 us din yahova mahanadi* ke ilake ke ashshoor ke raja se, haan, us bhaade ke ustare se+ sir aur paanv ke baal aur daadhi ko safachat kar dega.
21 us din ek aadmi ke paas apne maveshiyon mein se ek gaay aur do bhedein bacheingi.
22 uske paas sirf doodh hoga isliye woh makkhan khaayega aur desh ke bache huye logon ke paas bhi shehad aur makkhan ke siva kuch nahin hoga.
23 us din jahaan kahin angoor ki 1,000 belein hoti thi, jinki keemat chaandi ke 1,000 tukde thi, vahaan sirf kanteeli jhaadiyaan aur jangli paudhe ugeinge.
24 poora ilaka kanteeli jhaadiyon aur jangli paudhon se bhar jaayega. vahaan jaane ke liye logon ko teer-kaman lekar chalna padega.
25 aur jin pahadon par ek vakt kudal se safai ki jaati thi, ab vahaan kanteeli jhaadiyon aur jangli paudhon ke dar se tu nahin jaayega. woh bailon aur bhedon ke charne ki jagah ban jaayegi.”
kai footnote
^ ya shaayad, “woh.”
^ yaani israel.
^ matlab “sirf bache huye log lauteinge.”
^ ya shaayad, “use ghabra dein.”
^ matlab “parmeshvar hamare saath hai.”
^ yaani farat nadi.
