yirmayah 13:1-27
13 yahova ne mujhse kaha, “tu jaakaar apne liye malmal ka ek kamarband khareed aur apni kamar par baandh. magar use paani mein mat dubana.”
2 mainne yahova ke kahe mutabik ek kamarband khareeda aur apni kamar par baandh liya.
3 yahova ka sandesh ek baar fir mere paas pahuncha:
4 “jo kamarband toone khareedkar pehna hai, use lekar farat nadi ke paas jaa aur vahaan ek chattan ki darar mein chhipa de.”
5 main yahova ki aagya ke mutabik farat ke paas gaya aur vahaan kamarband chhipa diya.
6 kai dinon baad yahova ne mujhse kaha, “tu uthkar farat nadi ke paas jaa aur vahaan se woh kamarband nikaal jise chhipane ki aagya mainne tujhe di thi.”
7 main farat ke paas gaya aur jis jagah mainne kamarband chhipaya tha, vahaan se khodkar use nikaala. mainne dekha ki kamarband kharab ho gaya hai aur kisi kaam ka nahin raha.
8 fir yahova ka yah sandesh mere paas pahuncha:
9 “yahova kehta hai, ‘main isi tarah yahooda ka ghamand choor-choor kar doonga aur yarooshalem ka guroor tod doonga.+
10 ye dusht log jo meri aagya maanne se inkar kar dete hain,+ dheeth hokar apne man ki karte hain+ aur doosre devtaon ke peechhe jaate hain, unki seva karte aur unke aage dandvat karte hain, woh is kamarband ki tarah kisi kaam ke na raheinge.’
11 yahova ailan karta hai, ‘kyonki jaise ek aadmi kamarband ko apni kamar par baandhe rehta hai, usi tarah mainne israel ke poore gharane aur yahooda ke poore gharane ko khud se baandhe rakha tha taaki woh meri praja,+ meri shaan,+ meri mahima aur meri shobha banein. magar unhonne meri aagya nahin maani.’+
12 tu unhein yah sandesh bhi dena: ‘israel ka parmeshvar yahova kehta hai, “har bada matka daakh-madira se bhara rahe.”’ woh tujhse kaheinge, ‘hamein pata hai, har bada matka daakh-madira se bhara hona chahiye.’
13 tab tu unse kehna, ‘yahova kehta hai, “dekho, main is desh ke sabhi nivasiyon ko, daavid ki raajgaddi par baithnevale raajaon ko, yaajkon aur bhavishyavaktaon aur yarooshalem ke sabhi nivasiyon ko tab tak daakh-madira pilata rahoonga jab tak ki woh madhosh na ho jaayen.”+
14 yahova ailan karta hai, “main unhein ek-doosre se takra doonga, pitaon aur beton ko ek-doosre se takraunga.+ main un par karuna nahin karoonga, na unke liye dukh mehsoos karoonga aur na hi un par daya karoonga. unhein tabah karne se mujhe koi cheez nahin rokegi.”’+
15 suno aur dhyan do.
tum magroor mat bano kyonki yah baat yahova ne kahi hai.
16 apne parmeshvar yahova ki mahima karo,isse pehale ki woh andhkar le aayeaur shaam ke jhutpute ke samay pahadon par tumhare paanv ladkhada jaayen.
tum raushni ki aas lagaoge,magar woh kaali chhaaya le aayega,woh raushni ko ghor andhkar mein badal dega.+
17 aur agar tum sunnae se inkar kar doge,to main tumhare ghamand ki vajah se chhipkar rounga.
main aansoo bahaunga, meri aankhon se aansuon ki dhaara bahegi,+kyonki yahova ke jhund ko bandi banakar le jaaya gaya hai.+
18 raja aur raajmata se kehna,+ ‘tum nichli jagah par baitho,kyonki tumhare sir se sundar taaj gir padeinge.’
19 dakshin ke shehron ke faatak band ho chuke hain,* unhein kholnevala koi nahin.
poore yahooda ko bandi banakar le jaaya gaya hai, kisi ko nahin bakhsha gaya.+
20 apni aankhein utha aur uttar se aanevalon ko dekh.+
kahaan gaya woh jhund jo tujhe saunpa gaya tha? kahaan gayin teri sundar-sundar bhedein?+
21 jab tujhe un logon ke haathon saza milegi,jinhein toone shuroo se apna kareebee dost banaya hai, tab tu kya kahegi?+
kya tujhe achanak dard nahin uthega jaise bachcha jannevali aurat ko uthta hai?+
22 jab tu man mein kahegi, ‘yah sab mere saath kyon ho raha hai?’+
to tu jaan lena ki tere ghor paap ki vajah se hi tera ghaaghra utaar diya gaya hai+aur teri ediyon ko itna dard sehna pada hai.
23 kya ek kooshi* apne chamde ka rang ya cheeta apne dhabbe badal sakta hai?+
to tu kaise bhalai kar sakti haijisne burai karna seekh liya hai?
24 main unhein aise bikhra doonga jaise registan se chalnevali tez hava ghaas-foos ko bikhra deti hai.+
25 yah tera hissa hai, mainne tere liye yahi naapkar diya hai,kyonki tu mujhe bhool gayi+ aur jhoothi baaton par bharosa karti hai.”+ yahova ka yah ailan hai.
26 “isliye main tera ghaaghra utaar doongataaki tu sareaam sharminda ho jaaye,+
27 tere vyabhichar ke kaamon+ aur teri vaasna ka,tere veshya ke ashleel* kaamon ka pardafash ho jaaye.
mainne pahadiyon par aur maidanon meinteri ghinauni harkatein dekhi hain.+
hey yarooshalem, dhikkar hai tujh par!
tu aur kab tak isi tarah ashuddh rahegi?”+