yirmayah 2:1-37
2 yahova ka yah sandesh mere paas pahuncha:
2 “tu jaakaar yarooshalem ke saamne yah ailan kar: ‘yahova kehta hai,
“mujhe achhi tarah yaad hai ki tu javani mein mere saath kaisa lagav* rakhti thi,+jab mujhse teri sagai hui tab tu mujhe kitna pyar karti thi,+veerane mein tu kis tarah mere peechhe-peechhe chalti thi,jahaan ki zameen boyi nahin gayi thi.+
3 israel yahova ki nazar mein pavitra tha,+ uski fasal ka pehala fal tha.”’
yahova ailan karta hai, ‘jo koi use khaa jaane ki koshish karta woh doshi thaharta.
us par museebat toot padti.’”+
4 hey yakub ke gharane, hey israel ke gharane ke sabhi kulo,yahova ka sandesh suno.
5 yahova kehta hai,
“tumhare purkhon ne mujhmein aisa kya dosh paaya+ki woh mujhse itni door ho gaye,nikammi moorton ke peechhe chalne lage+ aur khud nikamme ho gaye?+
6 unhonne yah nahin kaha, ‘aao, hum yahova ki or taakein,jo hamein misra se nikaal laaya,+hamein veerane mein raah dikhate huye le chala,jahaan jagah-jagah registan+ aur khaai hain,jahaan sookha padta hai+ aur ghor andhkar chhaaya rehta hai,jahaan se koi insan nahin guzarta,jahaan ek bhi insan nahin rehta.’
7 fir main tumhein falon ke baagvale desh mein le aayataaki tum iski upaj aur achhi-achhi cheezen khaa sako.+
magar tumne yahaan aakaar mere desh ko dooshit kar diya,meri virasat ko ghinauna bana diya.+
8 yaajkon ne nahin kaha, ‘aao, hum yahova ki or taakein,’+
jinhein kaanoon sikhane ki zimmedari thi unhonne mujhe nahin jaana,charvahon ne mujhse bagavat ki,+bhavishyavaktaon ne baal ke naam se bhavishyavani ki,+woh un devtaon ke peechhe gaye jo unhein faayda nahin pahuncha sakte the.
9 yahova ailan karta hai, ‘isliye main tum par aur bhi dosh lagaunga,+tumhare beton ke beton par dosh lagaunga.’
10 ‘tum us paar kitteem+ logon ke dveepon mein jaao aur dekho.
haan, kedar+ ko sandesh bhejo aur achhi tarah pata lagaoki kya vahaan kabhi aisi baat hui hai.
11 kya kisi raashtra ne kabhi apne devtaon ko chhodkar unhein apnaya jo devta nahin hain?
lekin mere apne log meri mahima karne ke bajay bekar ki cheezon ki mahima karne lage.+
12 hey aakash, tu fati aankhon se dekhta reh,maare hairat ke thar-thar kaanp,’ yahova ka yah ailan hai,
13 ‘kyonki mere logon ne do bure kaam kiye hain:
unhonne mujh jeevan ke jal ke sote ko chhod diya hai+aur apne liye aise kund khod liye hain,*jo toote huye hain, jinmein paani nahin thaharta.’
14 ‘kya israel koi sevak hai, ya kisi gharane mein janma daas hai?
fir kyon use loot ka shikar hone ke liye chhod diya gaya?
15 us par javan sher garajte hain,+woh zor-zor se dahadte hain.
unhonne uske desh ka aisa hashra kiya ki dekhnevalon ka dil dehal gaya.
uske shehron mein aag laga di jis vajah se vahaan koi nahin rehta.
16 nop*+ aur tahapnahes+ ke log tera sir ganja kar dete hain.
17 kya tu yah sab apne oopar khud hi nahin laaya?toone hi apne parmeshvar yahova ko chhod diya tha,+jo tujhe raasta dikha raha tha.
18 ab tu kyon misra jaakaar+ sheehor* ka paani peena chahta hai?
kyon ashshoor jaakaar+ mahanadi* ka paani peena chahta hai?
19 tujhe apni dushtata se sabak seekhna chahiye,toone jo vishvasghat kiya hai usse tujhe fatkaar milni chahiye.
yah jaan le aur samajh le ki apne parmeshvar yahova ko chhodne ka anjamkitna bura aur bhayanak hota hai,+toone mera bilkul bhi dar nahin maana,’+ saare jahan ke maalik, senaon ke parmeshvar yahova ka yah ailan hai.
20 ‘muddaton pehale mainne tera jua tod diya tha,+teri bediyaan tod di thi.
magar toone kaha, “main teri seva nahin karoongi,”
kyonki har unchi pahadi ke oopar aur har ghane ped ke neeche+tu pasar jaati aur veshya ke kaam karti thi.+
21 jab mainne tujhe lagaya tha tab tu badhiya laal angoor ki bel thi,+ tere saare beej umda the,to fir teri daaliyaan kaise sadne lagin aur tu meri nazar mein jangli bel kaise ban gayi?’+
22 saare jahan ka maalik yahova ailan karta hai, ‘tu chahe khaar* se khud ko dhoye ya khoob sajji* istemal kare,fir bhi mere saamne se tere dosh ka daag nahin mitega.’+
23 tu kaise keh sakti hai, ‘mainne khud ko dooshit nahin kiya.
main baal devtaon ke peechhe nahin gayi’?
ghaati mein toone jo kiya use dekh.
apne kaamon par gaur kar.
tu ek furteeli javan untni jaisi hai,jo bemaksad idhar-udhaar bhaagti rehti hai,
24 tu aisi jangli gadhi jaisi hai jo veerane mein rehne ki aadi hai,jo havaas mein aakaar hava soonghti firti hai.
jab usmein sahvas ki zabardast ichha uthti hai to use kaun kaaboo kar sakta hai?
uski talash karnevalon ko zyada mehnat nahin karni padti.
woh uske mausam* mein use paa lete hain.
25 apne paanv nange na hone deaur apna gala sookhne na de.
magar toone kaha, ‘nahin, aisa nahin ho sakta!+
mujhe gairon* se pyar ho gaya hai,+main unhin ke peechhe jaaungi.’+
26 jaise chor pakde jaane par sharminda hota hai,vaise hi israel ke gharane ko sharminda kiya gaya hai,unhein aur unke raajaon aur haakimon ko,unke yaajkon aur bhavishyavaktaon ko sharminda kiya gaya hai.+
27 woh ek ped se kehte hain, ‘tu mera pita hai’+
aur ek patthar se kehte hain, ‘toone mujhe janm diya hai.’
magar woh meri taraf munh karne ke bajay mujhe peeth dikhate hain.+
sankat ke samay woh kaheinge, ‘aakaar hamein bacha le!’+
28 ab tumhare woh devta kahaan gaye jinhein tumne khud ke liye banaya tha?+
agar woh tumhein sankat ke samay bacha sakte hain to woh aakaar bachayen,kyonki hey yahooda, tere paas itne devta ho gaye hain jitne ki tere shehar hain.+
29 yahova ailan karta hai, ‘tum kyon mere khilaf shikayat karte ho?
tum sab kyon mujhse bagavat karte ho?’+
30 mainne bekar hi tumhare beton ko maara.+
woh shiksha maanne se inkar kar dete the,+tumhari apni talvar ne tumhare bhavishyavaktaon ko apna kaur bana liya,+jaise ek khoonkhar sher apne shikar ko faad khaata hai.
31 is peedhi ke logo, yahova ke sandesh par dhyan do.
kya main israel ke liye ek veerana ban gaya hoon?
dam ghotnevale ghor andhkar ka desh ban gaya hoon?
ye log, mere apne log kyon kehte hain, ‘hum jahaan chahe vahaan jaayenge.
hum fir kabhi tere paas nahin aayenge’?+
32 kya ek kunvari ladki kabhi apne gehne bhool sakti hai?
kya ek dulhan seenaband* pehanna bhool sakti hai?
magar mere apne logon ne na jaane kitne dinon se mujhe bhula diya hai.+
33 hey aurat, tu pyar ki talash mein kitni chaalaaki se apna raasta chunti hai!
toone khud ko dushtata ki raah par chalna sikhaya hai.+
34 tera ghaaghra begunahon aur gareebon ke khoon se daagdar hai,+aisa nahin ki woh seindh lagate huye pakde gaye aur maare gaye,fir bhi unke khoon ka daag tere poore ghaaghre par laga hai.+
35 magar tu kehti hai, ‘main bekasoor hoon.
uska krodh zaroor mujhse door ho gaya hoga.’
ab main tera nyay karke tujhe saza doonga,kyonki tu kehti hai, ‘mainne paap nahin kiya hai.’
36 tu apne dhulmul ravaiye ko kyon ek halki baat samajhti hai?
tujhe misra ki vajah se bhi sharminda hona padega,+theek jaise tu ashshoor ki vajah se sharminda hui thi.+
37 isliye bhi tu sir par haath rakhkar jaayegi,+kyonki yahova ne unhein thukra diya hai jin par toone bharosa rakha,woh tujhe kaamyabi nahin dilayenge.”
kai footnote
^ ya “atal pyar.”
^ ya “kaatkar nikaale hain,” shaayad chattan se.
^ ya “memfis.”
^ yaani neel nadi ki dhaara.
^ yaani farat nadi.
^ ya “sode.”
^ ek tarah ka saabun.
^ shaa., “maheene.”
^ ya “paraye devtaon.”
^ ya “apni shaadi ka kamarband.”