yirmayah 47:1-7
-
palishtiyon ke khilaf bhavishyavani (1-7)
47 yahova ka yah sandesh bhavishyavakta yirmayah ke paas pahuncha, jo palishtiyon ke baare mein hai.+ yah sandesh gaaza par firaun ke hamle se pehale diya gaya tha.
2 yahova kehta hai,
“dekh! uttar se paani umadta aa raha hai.
usse zabardast baadh aa jaayegi.
woh poore desh aur usmein jo kuch hai, use duba dega,shehar aur uske nivasiyon ko duba dega.
logon mein haahakar mach jaayega,desh mein rehnevala har koi zor-zor se royega.
3 jab uske ghodon ka daudna sunayi dega,uske yuddh-rathon ki khadkhadahat sunayi degi,uske pahiyon ki ghadghadahat sunayi degi,to pita aise bhaageinge ki peechhe mudkar apne beton ko bhi nahin dekheinge,kyonki unke haath dheele pad jaayenge.
4 woh din aa raha hai jab saare palishtiyon ka naash kiya jaayega,+sor+ aur seedon+ ka bacha hua har sandhi-desh mita diya jaayega.
kyonki yahova palishtiyon ka naash kar dega,jo kaptor* dveep se aaye logon mein se bache huye hain.+
5 gaaza apna sir mundayega.*
ashkalon ko khaamosh kar diya gaya hai.+
unki ghaati ke maidan mein bache huye logo,tum kab tak apne shareer par ghaav karte rahoge?+
6 hey yahova ki talvar,+ tu kab shaant hogi?
apni myan mein laut jaa.
aaram kar aur chup reh.
7 yah kaise chup reh sakti hai, jab ise yahova ne aagya di hai?
usne ise ashkalon aur samundar kinare ke ilake mein bheja hai+ki unhein naash kare.”
