yirmayah 49:1-39
49 ammoniyon+ ke liye yahova ka yah sandesh hai:
“kya israel ka koi beta nahin hai?
kya uska koi vaaris nahin hai?
to fir malkam+ ne kyon gaad par adhikar kar liya hai?+
kyon uske log israel ke shehron mein reh rahe hain?”
2 “yahova ailan karta hai, ‘isliye dekho! woh din aa rahe hain,jab main ammoniyon+ ki rabbah nagri+ ko yuddh ka bigul* sunvaunga.
woh ujad jaayegi, vahaan bas ek teela reh jaayega.
uske aas-paas ke nagron mein aag laga di jaayegi.’
yahova kehta hai, ‘aur israel unke desh par kabza kar lega, jinhonne uska desh le liya tha.’+
3 ‘hey heshbon, bilakh-bilakhkar ro kyonki ae ko naash kar diya gaya hai!
rabbah ke aas-paas ke nagro, chilla-chillakar ro-o.
taat odh lo.
bilakh-bilakhkar ro-o aur patthar ke baadon* mein idhar-udhaar firo,kyonki malkam bandhuai mein chala jaayega,uske saath-saath uske pujari aur haakim bhi jaayenge.+
4 hey vishvasghati beti, tu jo apne khazanon par bharosa karti haiaur kehti hai, “mujh par kaun hamla karega?”tu kyon apni ghaatiyon paraur us maidan par shekhi maarti hai jahaan paani ki dhaarayen behti hain?’”
5 “saare jahan ka maalik aur senaon ka parmeshvar yahova ailan karta hai,‘main tere chaaron taraf ke logon ko bhejkartujh par ek bhayanak kehar dhaanevala hoon.
tu har disha mein titar-bitar kar di jaayegiaur bhaagnevalon ko koi ikattha nahin karega.’”
6 “yahova ailan karta hai, ‘magar main baad mein ammoniyon ke bandi logon ko ikattha karoonga.’”
7 edom ke liye senaon ke parmeshvar yahova ka yah sandesh hai:
“kya teman+ mein buddhi ka akaal pad gaya hai?
kya gyaaniyon ke paas badhiya salah nahin rahi?
kya unki buddhi bhrasht ho gayi hai?
8 hey dadan+ ke nivasiyo, mudkar bhaago!
jaakaar khaaiyon mein chhip jaao!
kyonki jab esav par dhyan dene ka samay aayega,to main us par museebat laaunga.
9 jab angoor batornevale tumhare paas aate hain,to beennevalon ke liye kuch angoor zaroor chhod jaate hain.
jab raat ko chor aate hain,to woh sirf utna maal chura le jaate hain jitna woh chahte hain.+
10 magar main esav ko bilkul khaali kar doonga.
main dikha doonga ki uske chhipne ki jagah kahaan-kahaan haintaaki woh kahin chhip na sake.
uske bachche, bhaai, padosi, sab naash kar diye jaayenge+
aur uska naamo-nishan mit jaayega.+
11 tummein jo anath hain* unhein chhod do,main unki jaan ki hifazat karoongaaur tummein jo vidhvayen hain woh mujh par bharosa rakheingi.”
12 yahova kehta hai, “dekho! jab un logon ko pyala peena padega jinhein pyala peene ki saza nahin sunayi gayi, to tu kaise saza se bach sakta hai? tu saza se hargiz nahin bachega, tujhe pyala peena hi padega.”+
13 yahova ailan karta hai, “main apne jeevan ki shapath khaakaar kehta hoon, bosra ka aisa hashra hoga ki dekhnevalon ka dil dehal jaayega,+ uski badnami hogi, woh ujad jaayegi, shaapit thehregi aur uske sabhi shehar hamesha ke liye khandhar ban jaayenge.”+
14 mainne yahova se ek khabar suni hai,raashtron mein ek doot bheja gaya hai jo unse kehta hai,
“tum sab ikattha ho jaao, us par hamla karo,yuddh ke liye taiyar ho jaao.”+
15 “kyonki dekh! mainne tujhe raashtron mein chhota kar diya hai,insanon mein tuchh bana diya hai.+
16 tu jo chattan ki dararon mein mehfooz basi hai,sabse unchi pahadi par rehti hai,tere failaye khauf neaur tere gustakh dil ne tujhe dhokha diya hai.
toone ukab ki tarah unchai par apna ghonsla banaya hai,fir bhi main tujhe vahaan se neeche gira doonga.” yahova ka yah ailan hai.
17 “edom ka aisa hashra hoga ki dekhnevalon ka dil dehal jaayega.+ uske paas se guzarnevala har koi dar jaayega aur uski saari vipattiyon ki vajah se mazak udate huye seeti bajayega.
18 sadom, amora aur unke aas-paas ke nagron ka naash ke baad jo haal hua,+ vahi edom ka bhi hoga. usmein koi nahin rahega, koi vahaan jaakaar nahin basega.” yah baat yahova ne kahi hai.+
19 “dekh! in mehfooz charagahon par hamla karne koi aayega. woh aise aayega jaise yardan ke paasvali ghani jhaadiyon mein se ek sher nikaalkar aata hai.+ main use* ek hi pal mein uske saamne se bhaga doonga. main apne chune huye jan ko us par thehraunga. kyonki mere jaisa kaun hai aur kaun mujhe chunauti de sakta hai? kaun charvaha mere saamne tik paayega?+
20 isliye logo, suno ki yahova ne edom ke khilaf kya faisla* kiya hai aur teman+ ke nivasiyon ke saath kya karne ki sochi hai:
beshak, jhund ke memnon ko ghaseetkar le jaaya jaayega.
woh unki vajah se unka charagah ujaad dega.+
21 unke girne ke dhamake se dharti kaanp uthi hai.
cheekh-pukar mach gayi hai!
yah aavaz door laal saagar tak sunayi padi hai.+
22 dekho! jaise ek ukab oopar udta aur fir neeche apne shikar par jhapatta hai,+vaise hi woh apna pankh failakar bosra par toot padega.+
us din edom ke yoddhaon ka dil dar se aise kaanpega,jaise bachcha jannevali aurat ka dil kaanpta hai.”
23 damishk ke liye yah sandesh hai:+
“hamat+ aur arpad sharminda kiye gaye hain,kyonki unhonne ek buri khabar suni hai.
dar se unka hausla toot gaya hai.
samundar mein aisi halchal machi hai jo tham nahin sakti.
24 damishk himmat haar baithi hai.
woh bhaagne ke liye mudi, magar usmein khauf sama gaya.
dukh aur dard ne use jakad liya hai,jaise bachcha jannevali aurat ko jakad leta hai.
25 is gauravshali shehar ko, khushiyon ki nagri kolog chhodkar kyon nahin bhaage?
26 us din uske chaukon par javan dher ho jaayenge,saare sainik naash ho jaayenge.” senaon ke parmeshvar yahova ka yah ailan hai.
27 “main damishk ki sheharpanah ko aag laga doonga,yah aag ben-hadad ki kileband meenaron ko bhasm kar degi.”+
28 kedar+ ke baare mein aur haasor ke raajyon ke baare mein, jinhein baibilon ke raja nabookadnessar* ne jeet liya tha, yahova ka yah sandesh hai:
“utho, kedar jaao,poorab ke beton ko naash kar do.
29 unke tamboo aur jhund le liye jaayenge,unke tamboo ke kapde aur unka saara maal chheen liya jaayega.
unke unt le liye jaayenge,woh chillakar kedar ke logon se kaheinge, ‘chaaron taraf aatank-hi-aatank hai!’”
30 yahova ailan karta hai, “haasor ke nivasiyo,bhaago, door bhaago! khaaiyon mein jaakaar chhip jaao.
kyonki baibilon ke raja nabookadnessar* ne tumhare khilaf ek ranneeti sochi hai,tujhe tabah karne ki yojna banayi hai.”
31 yahova ailan karta hai, “utho, us raashtra par hamla karojo chain se reh raha hai, mehfooz basa hua hai!
uske na darvaze hain na bede, woh alag-thalag rehte hain.”
32 yahova ailan karta hai, “unke unt loot liye jaayenge,unke jaanvaron ke bade-bade jhund loot liye jaayenge.
jo log apni kalmein munda lete hain,+main unhein har hava mein* bikhra doongaaur har disha se un par museebat le aaunga.
33 haasor, geedadon ki maand ban jaayegi,hamesha ke liye ujaad padi rahegi.
vahaan koi nahin rahega,koi nahin basega.”
34 yahooda ke raja sidkiyah ke raaj ki shurooat+ mein elam ke baare mein yahova ka yah sandesh bhavishyavakta yirmayah ke paas pahuncha:+
35 “senaon ka parmeshvar yahova kehta hai, ‘main elam ki kaman todnevala hoon,+ jisse unhein taakat milti hai.
36 main elam par aakash ke chaaron konon se chaar havayen bahaunga aur unhein un havaon mein bikhra doonga. aisa ek bhi raashtra nahin hoga, jahaan elam ke bikhre huye log nahin jaayenge.’”
37 yahova ailan karta hai, “main elam ke logon ko unke dushmanon ke saamne aur un logon ke saamne choor-choor kar doonga jo unki jaan ke peechhe pade hain. main un par vipatti le aaunga, apne krodh ki aag bhadkaunga. aur main unke peechhe talvar bhejoonga aur un par tab tak vaar karta rahoonga jab tak ki main unka safaya na kar doon.”
38 yahova ailan karta hai, “main apni raajgaddi elam mein rakhoonga+ aur vahaan ke raja aur haakimon ko naash kar doonga.”
39 yahova ailan karta hai, “magar main aakhiri dinon mein elam ke bandi logon ko ikattha karoonga.”
kai footnote
^ ya shaayad, “yuddh ki lalkar.”
^ ya “bhedshalaon.”
^ ya “jinke pita ki maut ho gayi hai.”
^ shaayad yahaan edom ki baat ki gayi hai.
^ ya “maksad.”
^ shaa., “nabookadressar.” yah ek alag vartani hai.
^ shaa., “nabookadressar.” yah ek alag vartani hai.
^ ya “har disha mein.”