yirmayah 50:1-46
50 yahova ne bhavishyavakta yirmayah ke zariye baibilon aur kasdiyon ke desh ke baare mein jo sandesh diya,+ woh yah hai:
2 “raashtron mein iska ailan karo, iske baare mein sunao.
jhanda khada karo aur iske baare mein sunao.
kuch bhi mat chhipao!
batao, ‘baibilon par kabza kar liya gaya hai.+
bel ko sharminda kiya gaya hai.+
marodak khauf mein hai.
baibilon ki moortein sharminda ki gayi hain.
uski ghinauni moortein* khauf mein hain.’
3 kyonki us par uttar ke ek raashtra ne hamla kiya hai.+
usne uske desh ka aisa haal kar diya hai ki dekhnevalon ka dil dehal jaata hai,usmein koi nahin rehta.
insan aur jaanvar, donon bhaag gaye hain,woh vahaan se chale gaye hain.”
4 yahova ailan karta hai, “un dinon israel ke log aur yahooda ke log ek-saath aayenge.+ woh rote-rote chaleinge+ aur milkar apne parmeshvar yahova ki khoj kareinge.+
5 woh siyyon ki taraf munh karke uska raasta poochheinge+ aur kaheinge, ‘aao, hum sab milkar yahova ke saath sada ka karar karein jo kabhi nahin bhulaya jaayega.’+
6 mere log un bhedon ki tarah ho gaye hain jo kho gayi hain.+ unke charvahon ne unhein bhatka diya hai.+ woh unhein pahadon par le gaye. bhedein ek pahad se doosre pahad par bhatak rahi hain. woh apne aaram ki jagah bhool gayi hain.
7 jin-jin ko woh milin, unhonne unhein khaa liya+ aur unke dushmanon ne kaha, ‘hum doshi nahin hain, kyonki unhonne yahova ke khilaf paap kiya jismein neki vaas karti hai. unhonne yahova ke khilaf paap kiya hai jo unke purkhon ki aasha hai.’”
8 “baibilon se bhaag jaao,kasdiyon ke desh se nikaal jaao+aur jhund ke aage-aage chalnevale bakron aur medhon jaise ban jaao.
9 main uttar se bade-bade raashtron se milkar bani ek sena ko ubhaar raha hoon,use baibilon par hamla karne ke liye laa raha hoon.+
woh dal baandhkar us par hamla kareinge.
vahaan se woh kabza kar li jaayegi.
unke teer ek yoddha ke teer jaise hain,jo maa-baap se unke bachche chheen lete hain.+
woh kabhi nishane se nahin chookte.
10 kasdiya loot ka maal ban jaayega.+
uska maal lootnevale poori tarah santusht honge.”+ yahova ka yah ailan hai.
11 “kyonki jab tumne meri virasat looti,+tab tum khushi se jhoomte rahe,+ jashna manate rahe.
tum kalor ki tarah ghaas par uchhalte rahe,ghodon ki tarah hinhinate rahe.
12 tumhari maa sharminda ki gayi hai.+
tumhari janani nirash ho gayi hai.
dekho! woh raashtron mein sabse kamtar hai,ek sookha veerana hai, registan hai.+
13 yahova ki jaljalahat ki vajah se woh dobara aabad nahin ki jaayegi,+woh poori tarah ujad jaayegi.+
baibilon par dhaaye saare kehar dekhkar uske paas se guzarnevala har koi dar ke maare dekhta reh jaayegaaur seeti bajayega.+
14 tum sabhi jo kaman chadhate ho,dal baandhkar har disha se aao aur baibilon par hamla karo.
us par teer chalao, apna tarkash khaali kar do,+kyonki usne yahova ke khilaf paap kiya hai.+
15 har disha se uske khilaf yuddh ka ailan karo.
usne hathiyar daal diya hai.
uske khambhe gir gaye hain, uski sheharpanah dhaa di gayi hai,+kyonki yahova usse badla le raha hai.+
tum usse apna badla lo.
usne jaisa kiya tha vaisa hi tum uske saath karo.+
16 baibilon se beej bonevalon ko,katai ke samay hansiya chalanevalon ko mita do.+
us bhayanak talvar ki vajah se har koi apne logon ke paas laut jaayega,har koi apne desh bhaag jaayega.+
17 israel ke log titar-bitar ki gayi bhedein hain.+ sheron ne unka yah haal kiya hai.+ pehale, ashshoor ka raja aakaar unhein khaa gaya,+ fir baibilon ke raja nabookadnessar* ne unki haddiyaan chaba daalin.+
18 isliye senaon ka parmeshvar aur israel ka parmeshvar yahova kehta hai, ‘main baibilon ke raja aur uske desh ko vahi sila doonga jo mainne ashshoor ke raja ko diya tha.+
19 main israel ko uske charagah mein vaapas le aaunga.+ woh karmel aur baashaan par charega,+ epraim+ aur gilad+ ke pahadon par ji-bharkar khaayega.’”
20 yahova ailan karta hai, “un dinon aur us samay,israel mein dosh dhoondhne par bhi nahin milega,yahooda mein koi paap nahin paaya jaayega,kyonki main unhein maaf kar doonga jinhein mainne zinda chhod diya.”+
21 yahova ailan karta hai, “marataim desh par aur pakod ke nivasiyon par hamla kar.+
unka katlaeaam kar de, poori tarah naash kar de.*
mainne tujhe jo-jo karne ki aagya di hai, woh sab kar.
22 desh mein yuddh ka shor sunayi de raha hai,badi tabahi ka shor sunayi de raha hai.
23 dekh, sab raashtron ko choor-choor karnevala hathauda kaise kaat daala gaya hai, tod diya gaya hai!+
dekh, raashtron ke beech baibilon ka kya hashra hua hai, dekhnevalon ka dil dehal jaata hai.+
24 hey baibilon, mainne tere liye ek fanda bichhaya hai, tu pakdi gayi,tujhe pata bhi nahin chala.
tujhe dhoondhkar bandi bana liya gaya hai,+kyonki toone yahova ka virodh kiya.
25 yahova ne apna hathiyar-ghar khola hai,woh apni jaljalahat ke hathiyar baahar paayenge hai.+
kyonki saare jahan ke maalik, senaon ke parmeshvar yahova kokasdiyon ke desh mein ek kaam karna hai.
26 door-door ki jagahon se aakaar us par hamla karo.+
uske bhandar khol do.+
anaj ke dher ki tarah uska dher laga do.
use poori tarah naash kar do.*+
uska ek bhi insan zinda na bache.
27 uske saare bail kaat daalo,+unhein halal ke liye bhej do.
unka bahot bura honevala hai, kyonki unka din aa gaya hai,unse hisab lene ka samay aa gaya hai!
28 bhaagnevalon ki aavaz sunayi de rahi hai,baibilon se bachkar bhaagnevalon ki aavaz sunayi de rahi hai,woh siyyon mein ailan karne jaa rahe hain ki hamare parmeshvar yahova ne badla chuka diya hai,apne mandir ke liye badla chuka diya hai.+
29 baibilon ko naash karne ke liye teerandazon ko bulao,un sabko bulao jo kaman chadhate hain.+
uske chaaron taraf chhaavni daalo, kisi ko bachkar bhaagne mat do.
use uske kaamon ka sila do.+
usne jaisa kiya tha, vaisa hi uske saath karo.+
kyonki usne ghamand mein aakaar yahova ke khilaf kaam kiya,israel ke pavitra parmeshvar ke khilaf.+
30 us din uske chaukon par uske javan dher ho jaayenge,+saare sainik naash* ho jaayenge.” yahova ka yah ailan hai.
31 saare jahan ka maalik aur senaon ka parmeshvar yahova ailan karta hai, “hey gustakh baibilon,+ dekh! main tujhe saza doonga,+kyonki tera woh din zaroor aayega, jab main tujhse hisab maangoonga.
32 hey gustakh baibilon, tu thokar khaakaar giregi,tujhe uthanevala koi na hoga.+
main tere shehron ko aag laga doonga,yah aag tere aas-paas ka sabkuch bhasm kar degi.”
33 senaon ka parmeshvar yahova kehta hai,
“israel aur yahooda ke logon ko sataya jaa raha hai,jin logon ne unhein bandi banaya hai, woh unhein pakde huye hain.+
unhonne unhein chhodne se inkar kar diya hai.+
34 magar unka chhudanevala taakatvar hai.+
uska naam senaon ka parmeshvar yahova hai.+
woh zaroor unke mukadme ki pairvi karega+taaki unke desh ko chain dilaye+aur baibilon ke nivasiyon mein khalbali machaye.”+
35 yahova ailan karta hai, “kasdiyon par ek talvar chalegi,baibilon ke nivasiyon, uske haakimon aur gyaaniyon par talvar chalegi.+
36 khokhli baatein karnevalon* par talvar chalegi aur woh moorkhon jaisa bartav kareinge.
uske yoddhaon par talvar chalegi aur woh ghabra jaayenge.+
37 unke ghodon aur yuddh-rathon par talvar chalegi,usmein rehnevale pardesiyon ki mili-juli bheed par talvar chalegiaur woh aurton jaise ban jaayenge.+
uske khazanon par talvar chalegi aur woh loot liye jaayenge.+
38 uski nadi ki dhaarayen tabah kar di jaayengi, woh sookh jaayengi.+
kyonki yah khudi hui moorton se bhara desh hai+aur woh daravne darshan dekhne ki vajah se paagalon jaisa bartav karte hain.
39 isliye woh sookhe ilake ke jaanvaron aur huaan-huaan karte jaanvaron ka adda ban jaayegiaur vahaan shuturmurg raha kareinge.+
woh fir kabhi aabad nahin hogi,peedhi-dar-peedhi usmein koi nahin basega.”+
40 yahova ailan karta hai, “sadom, amora aur unke aas-paas ke nagron ke naash ke baad jo haal hua,+ vahi uska bhi hoga. usmein koi nahin rahega, koi vahaan jaakaar nahin basega.+
41 dekh! uttar se ek desh aa raha hai,ek mahan raashtra aur bade-bade raajaon ko+dharti ke chhor se ubhaara jaayega.+
42 woh teer-kaman aur barchhi se lais rehte hain.+
woh khoonkhar hain, kisi par daya nahin karte.+
jab woh apne ghodon par savaar hokar aate hain,to unka shor samundar ke garjan jaisa hota hai.+
hey baibilon ki beti, woh sab ek hokar, dal baandhkar tujh par hamla karne ko taiyar hain.+
43 baibilon ke raja ne unke baare mein khabar suni hai,+uske haath dheele pad gaye hain.+
us par dar aur chinta haavi ho gayi hai,woh dard se aise tadap raha hai jaise bachcha jannevali aurat tadapti hai.
44 dekh! in mehfooz charagahon par hamla karne koi aayega. woh aise aayega jaise yardan ke paasvali ghani jhaadiyon mein se ek sher nikaalkar aata hai. main unhein ek hi pal mein uske saamne se bhaga doonga. main apne chune huye jan ko us par thehraunga.+ kyonki mere jaisa kaun hai aur kaun mujhe chunauti de sakta hai? kaun charvaha mere saamne tik paayega?+
45 isliye logo, suno ki yahova ne baibilon ke khilaf kya faisla* kiya hai+ aur kasdiyon ke desh ke saath kya karne ki sochi hai.
beshak, jhund ke memnon ko ghaseetkar le jaaya jaayega.
woh unki vajah se unka charagah ujaad dega.+
46 baibilon par kabza kiye jaane ka haahakar sunkar dharti kaanp uthi hai,uski cheekh-pukar raashtron mein sunayi degi.”+
kai footnote
^ inka ibrani shabd shaayad “mal” ke liye istemal honevale shabd se sambandh rakhta hai aur yah batane ke liye istemal hota hai ki kisi cheez se kitni ghin ki jaa rahi hai.
^ shaa., “nabookadressar.” yah ek alag vartani hai.
^ ya “unhein naash ke havale kar de.”
^ ya “use naash ke havale kar do.”
^ shaa., “khaamosh.”
^ ya “jhoothe bhavishyavaktaon.”
^ ya “maksad.”