yuhanna ke mutabik khushkhabri 16:1-33
16 mainne tumse ye baatein isliye kahi hain ki tum dagmaga na jaao.
2 log tumhein sabha-ghar se bedakhal kar deinge.+ yahi nahin, aisa samay aa raha hai jab har koi jo tumhein maar daalega,+ yah sochega ki usne parmeshvar ki pavitra seva ki hai.
3 magar ye kaam woh isliye kareinge kyonki unhonne na to pita ko jaana hai, na hi mujhe.+
4 fir bhi mainne tumse ye baatein isliye kahin taaki jab inke hone ka samay aaye, tab tumhein yaad aaye ki mainne ye baatein tumse kahi thi.+
mainne ye baatein tumhein pehale nahin batayi thi kyonki main tumhare saath tha.
5 magar ab main apne bhejnevale ke paas jaa raha hoon,+ fir bhi tummein se koi mujhse nahin poochh raha ki tu kahaan jaa raha hai?
6 mainne jo ye baatein tumse kahi hain isliye tumhara dil bahot dukhi hai.+
7 fir bhi main tumse sach kah raha hoon, main tumhare hi bhale ke liye jaa raha hoon. isliye ki agar main nahin jaaunga, to woh madadgar+ hargiz tumhare paas nahin aayega. lekin agar main jaaunga, to main use tumhare paas bhejoonga.
8 jab woh aayega to duniya ke saamne paap, neki aur nyay ke thos saboot pesh karega:
9 sabse pehale woh paap+ ke saboot pesh karega kyonki woh mujh par vishvas nahin kar rahe.+
10 fir woh neki ke saboot pesh karega kyonki main pita ke paas jaa raha hoon aur tum mujhe fir nahin dekhoge.
11 iske baad, nyay ke saboot pesh karega kyonki is duniya ke raja ka nyay kiya gaya hai.+
12 mujhe tumse aur bhi bahot-si baatein kehni hain, magar is vakt tum inhein nahin samajh sakte.
13 lekin jab woh* aayega yaani sachchai ki pavitra shakti,+ to woh sachchai ki poori samajh paane mein tumhari madad karega. isliye ki woh apni taraf se nahin bolega balki jo baatein woh sunta hai vahi bolega aur aanevali baaton ke baare mein tumhein batayega.+
14 woh meri mahima karega+ kyonki usne mujhse jo suna hai vahi tumhein batayega.+
15 jo kuch pita ka hai woh sab mera hai.+ iseeliye mainne kaha ki woh madadgar mujhse jo sunta hai vahi tumhein batayega.
16 ab se thodi der baad tum mujhe nahin dekhoge+ aur fir thodi der baad tum mujhe dekhoge.”
17 tab uske kuch chele ek-doosre se kehne lage, “yah jo hamse kah raha hai iska kya matlab hai: ‘ab se thodi der baad tum mujhe nahin dekhoge aur fir thodi der baad tum mujhe dekhoge’ aur iska bhi, ‘kyonki main apne pita ke paas jaa raha hoon’?”
18 isliye woh kehne lage, “yah jo kah raha hai ‘thodi der baad,’ iska kya matlab hai? hum nahin jaante ki yah kis baare mein baat kar raha hai.”
19 yeeshu jaanta tha ki woh usse saval poochhna chahte hain, isliye usne chelon se kaha, “kya tum ek-doosre se yah poochh rahe ho ki mainne aisa kyon kaha: ‘thodi der baad tum mujhe nahin dekhoge aur fir thodi der baad tum mujhe dekhoge’?
20 main tumse sach-sach kehta hoon, tum rooge aur maatam manaoge magar duniya khushiyaan manayegi. tumhein dukh hoga magar tumhara dukh khushi mein badal jaayega.+
21 ek aurat jab bachche ko janm denevali hoti hai, to use dard hota hai kyonki uski ghadi aa gayi hai. magar jab woh bachche ko janm de deti hai, to woh apna dard bhool jaati hai aur apne bachche ko dekhkar khush ho jaati hai.
22 usi tarah, tum bhi abhi dukh mana rahe ho. magar jab main tumse dobara miloonga, tab tumhara dil khushi se bhar jaayega+ aur koi bhi tumhari khushi nahin chheen sakega.
23 us din tum mujhse koi saval nahin karoge. main tumse sach-sach kehta hoon, agar tum pita se kuch bhi maangoge+ to woh mere naam se tumhein de dega.+
24 ab tak tumne mere naam se ek bhi cheez nahin maangi hai. maango aur tum paaoge taaki tumhein bahot khushi mile.
25 mainne ye baatein tumse misalon mein kahi hain. woh vakt aa raha hai jab main tumse misalon mein baat nahin karoonga, magar pita ke baare mein tumhein saaf-saaf bataunga.
26 us din tum mere naam se pita se prarthna karoge. mere kehne ka matlab yah nahin ki main tumhare liye pita se binti karoonga.
27 pita khud tumse lagav rakhta hai kyonki tum mujhse lagav rakhte ho+ aur tumne yakeen kiya hai ki main parmeshvar ki taraf se aaya hoon.+
28 main pita ki taraf se is duniya mein aaya hoon. ab main yah duniya chhodkar pita ke paas jaa raha hoon.”+
29 uske chelon ne kaha, “ab tu hamein saaf-saaf bata raha hai aur misalein nahin de raha.
30 ab hum jaante hain ki tujhe sab baatein pata hain aur kisi ko tujhse saval karne ki zaroorat nahin. isliye hamein yakeen hai ki tu parmeshvar ki taraf se aaya hai.”
31 yeeshu ne kaha, “ab kya tum yakeen karte ho?
32 dekho! woh ghadi aa rahi hai, darasal aa chuki hai, jab tum sab titar-bitar ho jaaoge aur apne-apne ghar chale jaaoge aur mujhe akela chhod doge.+ fir bhi main akela nahin hoon kyonki pita mere saath hai.+
33 mainne tumse ye baatein isliye kahi hain taaki mere zariye tum shaanti paa sako.+ duniya mein tumhein takaleefein jhelni padeingi, magar himmat rakho! mainne is duniya par jeet haasil kar li hai.”+
kai footnote
^ aay. 13 aur 14 mein “woh” ka matlab aay. 7 mein bataya “madadgar” hai. yeeshu ne pavitra shakti ki tulna ek “madadgar” se ki hai. pavitra shakti koi vyakti nahin balki ek taakat hai.
