kya aap bhi jeanette ki tarah sochte hain? agar haan, to shaayad aapke man mein bhi saval uthe ki kya vaakai sab cheezon ki srishti hui thi? koi nahin chahta ki log use bevkoof samjhein. aise mein kya baat aapki madad kar sakti hai?

•  kya rukavatein aati hain

•  aap jo maante hain, us baare mein sochiye

•  sabooton ki jaanch karne mein madad karnevale prakashan

•  aapke hamumra kya kehte hain

1. agar aap srishti par yakeen karte hain, to log socheinge ki aap vigyan ke khilaf hain.

“meri teacher kehti hai ki log srishti par isliye yakeen karte hain kyonki woh yah samjhane ki takleef nahin uthana chahte ki yah poori duniya kaise chalti hai.”—maria.

aapko kya pata hona chahiye: jo log is tarah ka daava karte hain, woh darasal hakeekat se anjan hain. aur hakeekat yah hai ki gaililiyo aur aaizak nyootan jaise mashhoor vaigyanik maante the ki ek srishtikarta hai. iska yah matlab nahin tha ki woh vigyan ke khilaf the. usi tarah aaj kuch vaigyanik vigyan par vishvas karne ke saath-saath srishti par bhi yakeen karte hain.

ise aazmaiye: watchtower online library mein khojein kwlam mein jaakar ye shabd (uddharan chinhon ke saath) type keejiye “apne vishvas ke baare mein batati hai” ya “apne vishvas ke baare mein batata hai.” aapko chikitsa aur vigyan ke shetron mein kaam karnevale aise logon ki misalein mileingi jo yakeen karte hain ki sab cheezon ki srishti hui hai. gaur keejiye ki kis baat ne unhein is nateeje par pahunchne mein madad the.

sau baaton ki ek baat: srishti par yakeen karne ka matlab yah nahin ki aap vigyan ke khilaf hain. darasal hamare chaaron or ki cheezon ke baare mein seekhne se hamein srishti par yakeen karne ke pakke saboot mileinge.–romiyon 1:20.

2. agar aap bible mein bataye srishti ke byaure par yakeen karte hain, to log socheinge ki aapka dharm jo sikhata hai, use aap aankh moondkar vishvas kar lete hain.

“srishti par yakeen karna kai logon ko ek mazak lagta hai. unka maanna hai ki utpatti kitab mein srishti ka byaura sirf ek kahani hai.”—jasmine.

aapko kya pata hona chahiye: bible mein diye srishti ke byaure ke baare mein logon ko aksar galatafahamiyaan hoti hain. misal ke liye, srishti ke siddhaant ko maannevale kuch logon ka daava hai ki dharti ko haal hi mein banaya gaya tha ya sabhi jeevon ko 24 ghantonvale chh: dinon mein banaya gaya tha. bible inmein se kisi bhi baat ko sach nahin batati.

• utpatti 1:1 seedhe-seedhe kehta hai, “shurooat mein parmeshvar ne aakash aur prithvi ki srishti ki.” yah baat vigyan se mile is saboot se mel khaati hai ki dharti ko arabon-kharabon saal pehle banaya gaya tha.

• utpatti mein “din” ka matlab 24 ghante nahin balki ek lamba daur ho sakta hai. darasal utpatti 2:4 mein srishti ke sabhi chh: dinon ko “din” bataya gaya hai.

sau baat ki ek baat: bible mein diya srishti ka byaura vaigyanik khojon se mel khaata hai.

srishti par yakeen karne ka matlab “aankh moondkar vishvas” karna nahin hai. ulta iska matlab hai, sabooton ki achhi tarah jaanch karna aur soch-samajhkar yakeen karna. zara sochiye:

aapne ab tak jo dekha ya anubhav kiya hai, usse aap jaante hain ki jahaan koi rachna ya dizain hota hai vahaan ek rachnakar hota hai. jab aap ek kaimra, havai-jahaz ya ghar dekhte hain to aap is nateeje par pahunchte hain ki kisi ne ise banaya hai. to kya aapko insan ki aankh, aasman mein udnevali chidiya ya hamari dharti ke baare mein yahi nateeja nahin nikaalna chahiye?

zara sochiye: injeeniyar kudrat ko gaur se dekhte hain aur uski nakal utaarkar apne aavishkaron ko behtar banane ki koshish karte hain. woh chahte hain ki log unke aavishkaron ke liye unka samman karein. hum insan aur uski banayi cheezon ko to samman dete hain magar srishtikarta ke vajood se inkar karte hain aur uski rachnaon ke baare mein kehte hain ki ye apne aap aa gayin jabki ye insan ki rachnaon se kahin behtar hain. kya is baat mein aapko koi samajhdari nazar aati hai?

kudrat mein srishti ke jo saboot paaye jaate hain, unki jaanch karne se aap srishti par apna yakeen pakka kar sakte hain.

ise aazmaiye: watchtower online library mein jaakar ye shabd type keejiye (uddharan chinhon ke saath) “kya ise racha gaya tha”. sajag hoiye! ke shrriankhala lekh “kya ise racha gaya tha?” mein se kuch sheershak chuniye jo aapko dilchasp lagte hain. har lekh mein dekhiye ki kudrat mein paaye jaanevali cheezon ki khaasiyat kya hai. isse aapko kis tarah yakeen hota hai ki ek bananevala hai?

aur dhoondhiye: cheezon ko racha gaya tha, in sabooton ki gehrai se jaanch karne ke liye in prakashanon ka istemal keejiye.

• • dharti ko bilkul sahi jagah par rakha gaya hai aur use is tarah banaya gaya hai ki us par jeevan mumkin ho sake.—pra07 3/1 page 4-7 dekhiye.

  • kudrat mein paayi jaanevali rachnaon ki misalein.—saj00 2/8 page 4-9 dekhiye.

  • bible ki utpatti kitab mein diya srishti ka byaura vigyan se mel khaata hai.—saj06 10/1 page 18-20 dekhiye.

• jeevan ki shurooat—paanch saval javab jaanna zaroori

  • kisi nirjeev cheez se jeevan ki shurooat apne aap se nahin ho sakti.—page 4-7 dekhiye.

  • har jeevit cheez ki banavat itni jatil hai ki yah apne aap vajood mein nahin aa sakti.—page 8-12 dekhiye.

  • di.en.ae. mein jaankari jama karne ki itni anokhi kaabileeyat hai ki insan ki nayi-se-nayi tekanwlaji bhi iski barabari nahin kar sakti.—page 13-21 dekhiye.

  • saare praniyon ka poorvaj ek nahin hai. fwsil (praniyon ki haddiyon ke avshesh) ki jaanch se pata chalta hai ki prani jagat mein mukhya varg ke jaanvar achanak utpanna huye na ki dheere-dheere ek kism ke jaanvar se doosre kism ke jaanvar mein unka vikas hua.—page 22-29 dekhiye.

“dharti par rehnevale jaanvaron se lekar vishvamandal tak aur unmein jo behtareen vyavastha paayi jaati hai, in sabse mera yakeen aur badh jaata hai ki parmeshvar sachmuch mein hai.”—thomas.