nahin aisa nahin hai. protestant unhein kaha jaata hai jo “dhaarmik roop se roman catholic dharm ke khilaf ya uske protest mein hote hain.” yah sahi hai ki hum bhi maseehi hain aur roman catholic church ki shikshaon ko nahin maante. fir bhi hamein protestant nahin kaha jaa sakta. aisa kyon?

1. protestant dharm ki kuch shikshayen bible se mel nahin khaatin. misal ke liye bible sikhati hai ki “parmeshvar ek hai” naa ki triyek. (1 timuthiyus 2:5; yuhanna 14:28) iske alava bible batati hai ki parmeshvar kisi ko saza dene ke liye narak ki aag mein nahin tadpata balki ek insan ki maut par uska poora vajood khatm ho jaata hai.—bhajan 37:9; 2 thisslunikiyon 1:9.

2. hum catholic church ya kisi aur dhaarmik samooh ka virodh nahin karte, naa hi unmein kisi tarah ka badlav laane ki koshish karte hain. hum to parmeshvar ke raaj ki khushkhabri logon ko sunate hain. hum yah jaanne mein unki madad karte hain ki parmeshvar ka raaj ek sachchai hai. (matti 24:14; 28:19, 20) hum doosre dhaarmik samoohon ko badalne ki koshish nahin karte. iske bajaye hum sachche man ke logon ko parmeshvar aur uske vachan bible ki sachchaiyaan sikhate hain.—kulussiyon 1:9, 10; 2 timuthiyus 2:24, 25.