PEBRERO 10, 2023 | GIN-UPDATE: PEBRERO 17, 2023
Türkiye
UPDATE—Linibo ang Naapektuhan sang Grabe nga Linog sa Turkey
Sang Lunes, Pebrero 6, 2023, gintay-ug sang magnitude 7.8 nga linog ang southeastern nga bahin sang Turkey. Wala madugay, naglinog liwat sa amo gihapon nga lugar kag may kabaskugon ini nga magnitude 7.5. Dayon, nagsunodsunod pa gid ang mga aftershock. Sobra 38,000 ka tawo ang napatay, kag sobra 108,000 ka tawo ang nasamaran.
Epekto sa Aton mga Kauturan sa Turkey
Makapasubo nga 1 ka tigulang nga sister sa siudad sang Adana ang napatay. Dugang pa, isa ka brother, ang iya asawa, kag duha nila ka bata nga menor de edad ang napatay sa siudad sang Adiyaman
3 ka balay ang nawasak
17 ka balay ang may daku nga guba
22 ka balay ang may gamay nga guba
1 ka Kingdom Hall ang may daku nga guba
2 ka Kingdom Hall ang may gamay nga guba
Pagbulig
Ang mga naapektuhan sini nga linog nakabaton sang kinahanglanon nga pagpalig-on halin sa Biblia paagi sa nagapanguna nga mga brother
2 ka Disaster Relief Committee ang gin-asayn nga magdumala sang pagbulig
Paagi sa pagpaambit sang pila ka punto halin sa Biblia, ginapalig-on sang isa ka miembro sang Branch Committee ang mga kauturan, pati man ang mga nagub-an ukon nadulaan sang balay
Bisan pa sang makahaladlok nga mga linog kag mabaskog nga mga aftershock, ang aton mga kauturan napaumpawan kay kabalo sila nga si Jehova “dalangpan kag kusog,” kag “handa gid sia nga magbulig sa tion sang kalisdanan.”—Salmo 46:1.
Tan-awa Man
MGA PIRME GINAPAMANGKOT
Nagabulig Bala ang mga Saksi ni Jehova sa Tion sang Kalamidad?
Hibalua kon paano kami nagabulig sa tion sang kalamidad sa mga Saksi kag sa iban.