Sang Disiembre 8, 2019, ginpagua ni Brother Mark Sanderson sang Nagadumala nga Hubon ang ginrebisar nga Bag-ong Kalibutan nga Badbad sang Balaan nga Kasulatan sa Albanian sa isa ka special meeting nga ginhiwat sa Asllan Rusi Sports Palace sa Tirana, Albania. *

Ginabulubanta nga 2.9 ka milyon ang nagaistar sa Albania. Pero may mga 7.6 ka milyon pa nga nagahambal sang Albanian sa bilog nga kalibutan. Ang mga Saksi ni Jehova may mga kongregasyon kag mga grupo nga nagahambal sang Albanian sa Austria, Belgium, Canada, England, France, Germany, Greece, Italy, North Macedonia, Sweden, Switzerland, Turkey, kag United States. Makabenepisyo gid sa sini ang sobra 5,800 ka manugbantala sa teritoryo sang branch sa Albania kag ang mga nagahambal sang Albanian sa iban nga pungsod.

Ining ginrebisar nga Biblia may ara man mga apendise, footnote, glossary, kag mga mapa. Nalipay gid kita nga ang aton mga kauturan sa Albania may ara na translation sang Pulong ni Jehova sa moderno nga lenguahe nga simple, direkta, kag mahapos intiendihon.—Mateo 13:16.