Sang Hulyo 28, 2023, gin-release ni Brother Salvador Domingos, miembro sang Branch Committee sa Angola, ang Bag-ong Kalibutan nga Badbad sang Balaan nga Kasulatan sa Nyaneka nga lenguahe. Gin-release ang Biblia sa “Mangin Mapinasensiahon”! nga Rehiyonal nga Kombension nga ginhiwat sa Lubango, Huíla Province, sa southern Angola. May kabilugan nga 2,621 ang nag-attend. Ang mga naka-attend nakabaton sang naimprinta nga kopya sang Biblia. Puede man ma-download dayon ang digital nga pormat sini.

Ang kalabanan nga nagahambal sang Nyaneka nagaistar sa mga probinsia sang Angola, lakip ang Benguela, Cunene, Huíla, kag Namibe. May remote translation office sa siudad sang Lubango nga naga-translate sang aton mga publikasyon sa Nyaneka.

Sang una, may mga organisasyon nga nag-translate sang pila ka libro sang Biblia sa Nyaneka. Pero ang Bag-ong Kalibutan nga Badbad sang Balaan nga Kasulatan amo ang pinakauna nga kompleto nga Biblia nga nangin available sa sini nga lenguahe. Bangod may sarisari nga dialect ang Nyaneka nga lenguahe, gintinguhaan gid sang translation team nga gamiton ang mga tinaga nga maintiendihan sang kalabanan nga nagahambal sang Nyaneka.

Nalipay gid kita upod sa aton mga kauturan nga nagahambal sang Nyaneka nga magamit na nila ining bag-o gin-release nga translation sang Biblia para buligan ang madamo nga makilala kag masimba si Jehova.—Isaias 2:3.