Sang Enero 16, 2021, ginpagua ang electronic format sang Bag-ong Kalibutan nga Badbad sang Balaan nga Kasulatan sa Umbundu nga lenguahe. Abanse nga ginrekord ang programa kag gin-stream ini sa tanan nga kongregasyon nga nagahambal sang Umbundu sa bilog nga Angola. Si Brother Genésio Verdiano, nga miembro sang Branch Committee sa Angola, amo ang nagpagua sang Biblia.

Ang Umbundu amo ang lenguahe nga ginahambal sang kalabanan nga tawo sa Angola, kag ginabulubanta nga mga pito ka milyon ang nagahambal sini. Sobra sa 6,500 ka manugbantala ang nagahambal sang Umbundu.

Duha ka team sang anom ka translator ang nagpangabudlay sing lima ka tuig para matapos ang pag-translate sini nga Biblia. Ang isa sa ila nagsiling: “Ining bag-o nga translation makabulig sa magabasa sini nga maimadyin ang nagakatabo sa iya ginabasa kay mahapos ini intiendihon. Makabulig man ini sa mga utod sa ila ministeryo kay mas mahapos na itudlo ang Pulong sang Dios sa iban.”

Ang isa ka miembro sang Branch Committee nagsiling: “Kabalo kita nga mas maintiendihan sang mga tawo ang kamatuoran kon ang Biblia nga ila ginabasa ila lenguahe. Eksayted na kita nga makita kon paano gamiton ni Jehova ang iya Pulong sa Umbundu nga lenguahe para matudluan sang kamatuoran ang mas madamo nga tawo.”—2 Tesalonica 3:1.