Sang Enero 13, 2024, gin-release ni Brother Jeffrey Winder, miembro sang Nagadumala nga Hubon, ang Bag-ong Kalibutan nga Badbad Sang Cristianong Griegong Kasulatan sa Chokwe. Ginpahibalo ini sa isa ka espesyal nga programa nga ginhiwat sa branch sa Luanda, Angola. Sa kabilugan, 187 ka kauturan ang nag-attend sa programa sing face-to-face, kag may 353,427 nga nag-tie in paagi sa videoconference. Nalakip sa sini ang 1,644 ka kauturan nga nagahambal sang Chokwe. Ang naimprinta nga mga kopya sang Cristianong Griegong Kasulatan ginpanagtag sa madamo nga nag-attend sa programa. Puede man ma-download ang digital nga pormat sini.

Ginabanta nga tatlo ka milyon ka tawo ang nagahambal sang Chokwe sa Angola, Democratic Republic of the Congo, kag Zambia. Subong, 462 ka kauturan ang nagaalagad sa pulo ka kongregasyon nga nagahambal sang Chokwe sa bilog nga Angola. May 734 man ka kauturan nga nagaalagad sa 21 ka kongregasyon nga nagahambal sang Chokwe sa Democratic Republic of the Congo.

Sa iya pamulongpulong nga nagapahibalo sang pag-release, nagsiling si Brother Winder nga ang Bag-ong Kalibutan nga Badbad Sang Cristianong Griegong Kasulatan naggamit sang personal nga ngalan sang Dios, nga Jehova, sing 237 ka beses. Ang isa ka brother nagsiling: “Base sa Roma 10:13, ‘ang tagsatagsa nga nagatawag sa ngalan ni Jehova maluwas.’ Pero, ang pila ka translation sang Biblia sa Chokwe wala nagapaathag kon ano gid ang buot silingon sini. Gani excited ako nga gamiton ang Cristianong Griegong Kasulatan para buligan ang mga tawo nga maintiendihan kon ngaa importante nga gamiton ang ngalan ni Jehova para maluwas. Kanami gid sini nga regalo!”

Nagasalig kita nga ang Bag-ong Kalibutan nga Badbad Sang Cristianong Griegong Kasulatan sa Chokwe makabulig sa mas madamo nga makilala si Jehova kag palanggaon sia sa ila bug-os nga tagipusuon kag kusog.—Marcos 12:33.