Ginkilala sang Buenos Aires City Legislature ang internasyonal nga kombension para sa 2019 nga ginhiwat sa ila siudad bilang isa ka importante nga okasyon parte sa relihion kag kultura. Sang Disiembre 12, 2019, sa isa ka press conference nga ginhiwat para sa kombension, ginhatagan sang siudad ang aton mga kauturan sing award nga nagakilala sang importansia sang kombension.

Ang duha ka opisyal sang gobierno nga sanday Claudio Romero kag Federico Pugliese nagdayaw sa ginhimo sang mga Saksi ni Jehova sa Buenos Aires. Si Claudio Romero nagsiling: “Ginaapresyar ko gid ang inyo mga ginapatihan kag ang inyo pagpakita sang paghidait kag paghiusa kay nakabulig ini sa komunidad. Gusto ko mabal-an ninyo nga ginadayaw ko ang inyo relihion kay mapisan gid kamo kag dedikado sa inyo obra. Para sa akon, dapat gid kamo respetuhon bangod sang inyo gugma kag determinasyon nga itudlo sa iban ang inyo ginapatihan.” Si Federico Pugliese nagsiling: “Sa inyo pagtipon subong, may motto kamo nga, ‘Ang Gugma Wala sing Katapusan.’ Kabalo ako nga ginahimo gid ninyo ini, indi lang sa mga adlaw sang kombension, kundi adlaw-adlaw kay ginahimo ninyo ang tanan bangod sa gugma.”

Ginadayaw sini nga award ang gugma nga ginapakita sang aton mga kauturan sa iban. Pero ginapakita naton ini nga gugma, indi para makabaton sing award, kundi padunggan ang aton mahigugmaon nga Dios nga si Jehova.—1 Juan 4:8.