ABRIL 29, 2019
ARGENTINA
Nagsugod Na ang Pagtukod sang Bag-o nga Pasilidad sang Sanga sa Argentina
Sang Agosto 2018, ginsugdan na ang pagtukod sang bag-o nga sanga talatapan sa Buenos Aires, Argentina. Ini nga pasilidad may office building nga may 136 ka workstation kag duha ka residential building nga may 98 ka kuarto. Indi pareho sa sanga talatapan subong nga nagalapta sa sarisari nga propiedad, ining bag-o gindesinyo nga pasilidad ibutang sa isa lang ka lugar, gani mangin mas epektibo ang paghimo sang mga hilikuton. Makita sa photo gallery sa idalom ang pagsugod sang konstruksion.
Ini nga propiedad nagalapad sing 8,524 metros kuwadrado kag ara sa gua sang Buenos Aires, ang kapital sang Argentina.
Agosto 2018: Ang design team, nga may napulo ka miembro, nagtrabaho sing 18 ka bulan para ihanda ang architectural plan.
Septiembre 2018: Naghimo sing madalom nga mga buho bilang paghanda para sa pundasyon sang dugang nga mga haligi. Bangod sa klase sang duta sa sini nga propiedad, malubong pa gid sila sang 103 ka cylindrical pipe sa kadalumon nga 38 metros para labi nga magbakod ang pundasyon.
Nobiembre 2018: Ang 33 metros kataas nga crane nga ginagamit sa sini nga proyekto.
Nobiembre 2018: Ang mga brother nga naga-assemble sang crane kag ang iban pa nga nagaobra sa proyekto, nagahalong gid sa ila pagtrabaho.
Enero 2019: Naggamit sing mga heavy equipment sa pagkutkot sang plastaran sang mga elevator.
Marso 2019: Ang pundasyon sang isa sa mga bilding ginabutangan sing mga kabilya antes ini buhusan sang semento.
Basi Manamian Ka Man
NEWS RELEASE