OKTUBRE 14, 2019
ARGENTINA
Update sa Pagtukod sang Bag-o nga Sanga sa Argentina
Ang bag-o nga pasilidad sang sanga sa Argentina nga ginpiktyuran samtang nagatunod ang adlaw
Sobra na isa ka tuig nga ginsugdan ang pagtukod sang sanga sa Argentina kag subong sobra na katunga sini ang nahuman. Ining bag-o nga pasilidad may tatlo ka bilding—office building kag duha ka residential building—nga nagalapad sa kabilugan sing 8,524 metros kuadrado. Ang pagtukod sini nakaiskedyul nga matapos sa Hulyo 2020.
Eksayted na kita nga mahuman ining bag-o nga pasilidad sa Argentina. Ginapangamuyo naton nga padayon nga pakamaayuhon ni Jehova ini nga proyekto.—Deuteronomio 28:8.
Abril 2019: Ang view sang office building. Ang mga haligi sa basement sang building magalab-ot asta sa pinakamataas nga floor amo nga mabakod ini kaayo
Hunyo 2019: Isa ka construction worker nga nagatindog sa scaffolding samtang nagahimo sia sing pormas para sa mga haligi sang Residence A
Hulyo 2019: Mga Construction worker nga nagatakod sang kabilyada kag mga tubo para sa kuryente sa third-floor sang office building
Hulyo 2019: Mga boluntaryo nga nagabuhos sang second-floor sang Residence A. Ini nga residence may lima ka panalgan kag may terasa
Hulyo 2019: View sang site nga mangin garahe. Makaigo sa sini nga garahe ang 72 ka salakyan sa underground kag 72 sa ibabaw
Agosto 2019: Piktyur sang Residence A sa wala nayon kag makita man ang Residence B kag ang office building sa likod sang backhoe
