Nasunog ang balay sang isa ka Saksi nga mag-asawa sang ginlamon sang sunodsunod nga sunog ang sobra isa ka milyon ka ektarya sang mga hilamon kag kakahuyan sa New South Wales kag Queensland, Australia. Wala sing kauturan nga napatay ukon nasamaran sa sini nga mga sunog. Wala man sing mga Kingdom Hall kag Assembly Hall nga nahalitan.

Ang lokal nga mga awtoridad nagasuspetsa nga ginhungod ang iban sini nga mga sunog. Sugod sang Septiembre, anom na ang napatay kag indi magnubo sa 650 ka balay ang nasunog.

Mga 200 ka kauturan ang kinahanglan magbakwit, pero nakapauli na sila sa ila mga balay. Ang mag-asawa nga nasunugan sang balay ginaatipan sang iban nga mga Saksi. Ginapalig-on sang mga gulang sa kongregasyon ang mga naapektuhan sang mga sunog.—Binuhatan 20:28.