PEBRERO 15, 2019
AUSTRALIA
Ginlapawan sang Baha ang Queensland, Australia
Ang mabaskog katama nga pag-ulan nagresulta sa grabe nga pagbaha sa aminhan-sidlangan sang Australia. Bangod sa baha, linibo ka pumuluyo ang nagbakwit, madamo nga propiedad ang nahalitan, kag wala sing kuryente sa madamo nga lugar.
Ang sanga sa Australasia nagreport nga bangod sa pagbaha, 58 ka manugbantala halin sa tatlo ka kongregasyon ang nagsaylo sa balay sang ila mga kapamilya ukon sa iban nga Saksi. Napulo ka balay sang aton kauturan ang ginbahaan, kag duha sa sini ang naguba gid.
Naghimo na sing Disaster Relief Committee ang sanga, kag ang manugtatap sa sirkito kag ang lokal nga mga gulang nag-shepherding na sa ginbahaan nga mga kauturan. Ginapangamuyo naton nga padayon nga makabatas ang aton mga kauturan kag mapaumpawan sang pag-atipan sining mahigugmaon nga mga manugbantay.—1 Pedro 5:2.