Sang Mayo 29, 2022, gin-release ni Brother Sylvain Bois, miembro sang Branch Committee sang Benin, ang The Bible—The Good News According to Matthew sa Fon nga lenguahe. Ining digital nga libro sa Biblia gin-release paagi sa isa ka narekord na nga daan nga programa, nga gin-stream sa mga 7,000 ka kauturan kag mga interesado. Ang naimprinta nga kopya sini mangin available sa Disiembre 2023.

Bisan pa may mga Biblia na sa Fon nga lenguahe sadto, indi na makita diri ang ngalan sang Dios, kag kon ikumparar sa orihinal nga mga teksto sa Biblia madamo nga mga tinaga diri ang sala nga translation. Mahal man ini katama, kag may mga baligyaan nga indi magbaligya sa mga Saksi ni Jehova.

Sa sining bag-o gin-release nga libro sa Biblia nga Mateo insakto na ang translation sang orihinal nga mga tinaga sa Biblia. Halimbawa, sa Mateo 10:28 mabasa: “Indi kamo mahadlok sa mga makapatay sang lawas apang indi makapatay sang kalag.” Ang footnote sini nga bersikulo nagapaathag nga sa orihinal nga lenguahe ang tinaga nga “kalag” nagakahulugan nga “paglaum nga mabuhi.” Ang mga feature pareho sini makabulig sa mga manugbantala kon nagatudlo sila sa mga interesado sa ila pagministeryo.

Si Brother Palle Bjerre, miembro sang Branch Committee sa Benin, nagsiling: “Pirme gid ginasambit ang Mateo sa aton mga publikasyon, gani ining insakto nga translation sang Ebanghelyo sang Mateo makabulig gid sa aton pagbantala kag pagtudlo sang maayong balita. Ginapasalamatan gid naton si Jehova kag subong man ang translation team sa ila pagpaninguha para ma-release ini nga libro sa Biblia.”

Nagasalig kita nga ini nga release makabulig sa aton mga kauturan nga nagahambal sang Fon nga mangin malapit pa gid kay Jehova kag mabuligan ang iban nga himuon man ini.—Mateo 5:3.