Sang Marso 27, 2021, ginselebrar sang mga miembro sang pamilya Bethel sa bilog nga kalibutan ang pagdumdom sa kamatayon ni Jesus upod sa mga kauturan sa ila kongregasyon. Ang iban sa ila amo ang nagpamulongpulong sa Memoryal paagi sa videoconference.

Pareho sa natabo sang 2020, matan-aw sang pamilya Bethel sa United States ang pamulongpulong sa Memoryal halin sa World Headquarters sang mga Saksi ni Jehova. Si Brother Gerrit Lösch sang Nagadumala nga Hubon amo ang nagpamulongpulong.

Makita sa mga piktyur sa ubos ang mga kauturan nga nagaalagad sa Bethel sa bilog nga kalibutan nga nagsunod sa sugo ni Jesus: “Padayon ninyo nga himua ini sa pagdumdom sa akon.”—Lucas 22:19.