Nalipay kami sa pagpahibalo nga sang 2019 nga tuig sang pag-alagad, sobra 300,000 ang nabawtismuhan bilang mga Saksi ni Jehova. Amo ini ang una nga tion sugod sang 1999 nga nagsobra sa 300,000 ang nabawtismuhan. Ginadayaw naton si Jehova bangod ginapakamaayo niya ang aton bug-os tagipusuon nga pagbantala kag paghimo sing disipulo!

Sa 2019 nga tuig sang pag-alagad, madamo man sing internasyonal nga kombension nga ginhiwat kag mga Biblia nga ginpagua. Ginpakita man sang aton mga kauturan ang ila pagtuo sa madamo nga paagi. Halimbawa, ang iban nagboluntaryo para magbulig sa mga naapektuhan sang kalamidad. Ang masunod amo ang pila sa kabilugan nga kadamuon halin sa report sa bug-os nga kalibutan. *

• Kadamuon sang Kadutaan nga Nagareport: 240

• Nagtambong sa Memoryal sa Bug-os nga Kalibutan: 20,919,041

• Pinakamadamo nga Manugbantala: 8,683,117

• Kabilugan nga Nabawtismuhan: 303,866

Ang maayo nga mga report pareho sini nagapalig-on sa aton nga tumanon ang laygay sang aton Ginuong Jesus nga makita sa aton tuigan nga teksto para sa 2020: “Gani kadtui ninyo ang mga tawo . . .  kag tudlui ninyo sila agod mangin disipulo ko. Bawtismuhi ninyo sila.”—Mateo 28:19.