Ang bag-o nga update sa jw.org nagalakip sang feature nga gusto gid sang mga tawo. Puede mo na subong pilion ang light ukon dark nga setting.

Ang dark nga appearance setting (nga ginatawag man nga dark mode, dark theme, ukon night mode) may puti nga mga text kag graphics sa dark nga background. Gusto ini sang iban kay indi tama kasanag ang screen. Indi ini masakit sa mata, ilabi na kon gab-i ukon kon medyo madulom ang palibot. Maayo man ini sa mga tawo nga may diperensia ang panan-aw ukon madali masilawan.

Para makita mo ang appearance options, i-scroll paidalom ang screen kag i-click ang Appearance Settings nga button. Pilia ang System kon gusto mo nga sundon sang jw.org ang settings sang imo gadyet. Ukon pilia ang Light ukon Dark para gamiton sang jw.org ang setting nga gusto mo.

Ining bag-o nga mga option wala pa sa JW Library app, pero mangin available man ini sa ulihi. Ginapasalamatan naton si Jehova kay padayon nga ginapanami ang aton elektroniko nga mga kagamitan nga nagabulig sa aton para matigayon ang bugana nga base sa Biblia nga mga impormasyon.