Sang Abril 2024, ang mabunok nga pag-ulan sa Kenya kag Tanzania nagresulta sa grabe nga pagbaha. Sobra 185,000 ka tawo ang nagbakwit sa Kenya, kag mga 200 ang napatay. Sa tupad nga pungsod nga Tanzania, ginabanta nga 200,000 ang nagbakwit kag halos 200 ang napatay. Ginapaabot nga magapadayon ining grabe nga pag-ulan sa masunod nga mga sinemana.

• Makapasubo nga 1 ka sister kag ang iya bata nga babayi ang napatay

• 59 ka manugbantala ang nagbakwit

• 14 ka balay ang naguba

• 3 ka Kingdom Hall kag 1 ka theocratic school facility ang naguba

• Ang mga manugtatap sang sirkito kag ang mga gulang sa sini nga mga lugar nagahatag sang espirituwal kag praktikal nga bulig sa mga naapektuhan sang pagbaha

Ginapangamuyo naton ang aton mga kauturan nga naapektuhan sini nga kalamidad. Bisan pa nagakabuhi kita sa mabudlay nga mga tion, nagasalig kita nga sa indi madugay ‘wala na kita sing kahadlukan.’—Isaias 54:14.