Sang Pebrero 16, 2022, nagdesisyon ang Kerch City Court of the Republic of Crimea nga guilty si Brother Artem Shabliy. Ginsentensiahan sia sing duha ka tuig nga suspended prison. Indi niya kinahanglan nga mapriso sa sini nga tion.

1. Mayo 26, 2020

   Gin-raid sang mga awtoridad ang balay ni Artem kag sang apat pa ka pamilya sang mga Saksi ni Jehova sa Crimea. Sa sini nga pagpang-raid ginbuka sang mga awtoridad ang bintana kag naagsikan sang nagkalabuka nga kristal ang mga tiil sang apat ka tuig nga bata ni Artem, amo nga madamo sang pilas ang bata. Pagkatapos sang tatlo ka oras nga pag-pangraid, gindala sang mga awtoridad si Artem kag ginbutang sia sa isa ka isolation ward

2. Hunyo 9, 2020

   Ginpangabay ni Artem ang Kerch City Court nga ipakita sa iya ang report sang imbestigasyon nga gamiton kontra sa iya. Bisan pa obligado ang korte nga ipakita ang report kay Artem, wala ini sing may ginpakita

3. Mayo 24, 2021

   Nagsugod ang pag-hearing. Madamo nga kauturan ang nagkadto para magsuportar, pero wala sila ginpasulod sa korte

Pareho sa naeksperiensiahan ni Artem, ginabuligan gid ni Jehova ang iya matutom nga mga alagad. Nagasalig kita nga si Jehova amo pirme ang daku nga bato, kuta, kag dalangpan sang aton mga kauturan sa Crimea kag sa Russia.—Salmo 18:2.