Ang Version 4 sang JW Library Sign Language app, nga ginpagua sang Pebrero 15, 2020, may bag-o kag importante gid nga feature. Sa isa lang ka pag-click ukon pag-tap, makita dayon sang mga nagagamit sini ang mga reperensia. Paagi sini, mas mahapos na sa ila nga maghanda para sa mga miting sa kongregasyon kag mag-research sa Biblia.

Halin sang una, ang mga nagagamit sang JW Library app naga-research paagi sa pag-tap sang mga link sang teksto ukon sang iban nga publikasyon dira mismo sa ginabasa nila nga artikulo. Pero indi ini mahimo sang mga nagagamit sang JW Library Sign Language app bangod indi awtomatik nga makasaylosaylo halin sa isa ka video pakadto sa mga reperensia.

Sa Version 4 sang JW Library Sign Language app, may mga link ang mga reperensia. Sa isa lang ka pag-tap, mabukas na ang mga video sang mga reperensia kag mas mahapos na nga magbalik sa orihinal nga video.

Tan-awa kon daw ano kahapos ang pagtan-aw sang mga reperensia para sa midweek meeting

Sigurado kita nga daku gid ang mabulig sining bag-o nga feature sa aton mga kauturan nga nagagamit sang mga publikasyon sa sign language. Ginapasalamatan naton si Jehova sa sining mga aman nga nagabulig sa aton nga mas mangin suod sa iya.—Salmo 119:97.

Tan-awa kon paano ang reperensia sa “ang man-ug” sa Genesis 3:1 naka-link sa Bugna 20:2 para makilala kon sin-o ang “orihinal nga man-ug”