Sa indi madugay, ipahibalo sang Krasnogvardeyskiy District Court of the Republic of Crimea ang desisyon sini sa kaso nanday Brother Yuriy Gerashchenko kag Brother Sergey Parfenovich. Wala pa sang ginsiling ang piskal kon ano nga sentensia ang gusto niya sa sini nga kaso.

Nabal-an naton nga padayon nga buligan ni Jehova si Yuriy kag Sergey, pati man ang tanan nga padayon nga nagapabilin nga matutom, samtang ‘ginatago niya sila sa landong sang iya mga pakpak.’—Salmo 17:7, 8.

1. Septiembre 19, 2022

   Ginsugdan ang kaso kay Sergey

2. Septiembre 28, 2022

   Isa ang balay ni Sergey sa walo ka balay nga gin-raid sang mga FSB agent, kag ginbutang sia sa temporary holding facility

3. Septiembre 30, 2022

   Gindala si Sergey sa pretrial detention center

4. Nobiembre 15, 2022

   Ginpagua si Sergey sa pretrial detention center pero gin-house arrest gihapon

5. Marso 22, 2023

   Ginsugdan ang kaso kay Yuriy. Gin-aresto sia, gin-interogar, kag ginbutang sa temporary detention center

6. Marso 24, 2023

   Ginpagua si Yuriy pero gin-house arrest gihapon

7. Hulyo 12, 2023

   Wala na gin-house arrest si Sergey kag Yuriy pero ginbutangan sang restriksion ang ila pagbiyahe

8. Hulyo 28, 2023

   Ginsugdan ang hearing. Gin-akusahan sang piskal si Sergey kag Yuriy nga padayon nga “nagaentra sa kriminal nga mga hilikuton kag pagpamahog sa mga witness.” Bisan pa kulang sang ebidensia, nagdesisyon ang judge nga i-house arrest sila sa ikaduha nga tion