Halin sang 2019, ang mga gadyet nga may Amazon Alexa ukon Google Assistant maka-play sang pila ka content halin sa jw.org. Subong, may gindugang nga mga voice command para mapamatian ang mas madamo nga materyal para sa aton miting kag ministeryo. Pero, sugod sa Hunyo 2023 indi na magamit ang conversational action sang Google Assistant para sa sini. Puede gihapon ini gamiton asta sa sina nga petsa. Pero ang mga voice command para sa jw.org sa Amazon Alexa magapadayon gihapon.

Masugo sang mga user ang ila gadyet para basahon ang iskedyul kada semana sa Pagkabuhi kag Pagministeryo nga Workbook Para sa Miting kag ang mga tulun-an sa Mag-ukod Ka sa Pagbasa kag Pagpanudlo nga brosyur. Kon nagahanda para sa Bible study, puede suguon sang user ang voice assistant nga i-play ang leksion sa Magkabuhi sing Wala Katapusan! nga libro.

Dugang pa, makapamati ang mga user sang kanta para sa miting sa Mag-amba nga May Kasadya kay Jehova, kag sang vocal ukon instrumental nga mga rekording. Ang pinakabag-o nga update sang Nagadumala nga Hubon puede man ma-play.

Para mahibaluan mo ang mga voice command para sa kada voice assistant, tan-awa ang mga Help tutorial nga “Use the JW.ORG Skill for Amazon Alexa” ukon “Use the JW.ORG Action for Google Assistant.”

Sa mga wala sing voice-assistant sa ila gadyet, puede magamit ini nga mga feature sa madamo nga cellphone, tablet, kag mga kompyuter paagi sa pag-install sang Alexa nga app.

Daku gid ang mabulig sining bag-o nga mga feature sa mga bulag ukon sa mga may diperensia sa panan-aw. Kon may abyan ka nga may diperensia sa panan-aw, puede mo bala sia mabuligan nga ma-set up ang voice assistant sa iya gadyet ukon ang app kag tudluan sia kon paano ini gamiton?