East Nusa Tenggara Islands sa nasidlangan sang Indonesia kag Timor-Leste

• Sang Abril 4, 2021, nagwaswas ang Bagyo Seroja. Daku gid ang halit sini kag madamo ang nagbakwit

• Indi magnubo sa 236 ka tawo ang nagbakwit

Indonesia

• 45 ka balay ang may gamay nga guba

• 8 ka balay ang may daku nga guba

• 3 ka Kingdom Hall ang may gamay nga guba

Timor-Leste

• 19 ka balay ang may gamay nga guba

• 10 ka balay ang may daku nga guba

• Sa Indonesia, isa ka Disaster Relief Committee (DRC) ang gin-organisar para maghatag sing kinahanglanon nga bulig. Ginapangunahan sang DRC ang pagpangay-o sa naguba nga mga Kingdom Hall kag mga balay

• Paagi sa Biblia, ginapalig-on man sang mga manugtatap sang sirkito sa sina nga mga lugar ang mga kauturan nga nabagyuhan

• Insigida pagkatapos gid sang bagyo, ang mga gulang sang kongregasyon nag-organisar dayon sang dalayunan para sa nagbakwit nga mga kauturan. Nagpanagtag man sila sang pagkaon, tubig, kag iban pa nga mga kinahanglanon. Gin-organisar man nila ang pagpaninlo sa naguba nga mga balay

• Sa Timor-Leste, gin-umpisahan na sang mga gulang ang pagpaninlo sa naguba nga mga balay kag ang pagpanagtag sing pagkaon kag iban pa nga mga kinahanglanon sang mga nabagyuhan. Ginpangitaan man nila sing madayunan ang mga nagbakwit

• Ang tanan nga pagbulig ginahimo samtang ginasunod ang mga safety protocol nga ginapatuman bangod sa COVID-19

Ginapasalamatan gid naton ang bulig ni Jehova paagi sa “ministeryo sang pagbulig” nga ginahimo sang Cristianong kongregasyon.—2 Corinto 9:13.