HUNYO 17, 2021
BALITA SA BILOG NGA KALIBUTAN
Ginpagua ang Bag-ong Kalibutan nga Badbad sa Tajiki nga Lenguahe Paagi sa Videoconference
Sang Hunyo 13, 2021, ginpagua ni Brother Mark Sanderson, isa ka miembro sang Nagadumala nga Hubon, ang Bag-ong Kalibutan nga Badbad sang Balaan nga Kasulatan sa Tajiki nga lenguahe. Ginpagua ang digital format sini nga Biblia paagi sa isa ka narekord na nga daan nga programa.
Impormasyon Parte sa Sini nga Proyekto
Ang Tajiki ginahambal sang mga 14 ka milyon ka tawo, kag mga 5 ka milyon sa sini ang nagaistar sa Tajikistan
Ang mga translator halin sa sarisari nga pungsod nagpangabudlay sing mga 4 ka tuig para matapos ini nga proyekto
Ang isa sa mga translator nagsiling: “Makabulig gid ang Bag-ong Kalibutan nga Badbad sa Tajiki nga lenguahe para mahapos maintiendihan sang mga bumalasa ang Biblia kag maaplikar ini sa ila kabuhi. Sigurado nga makabulig gid ini sa tanan nga tawo nga mangin mas malapit kay Jehova, ang Awtor sang Biblia.”—Santiago 4:8.