Ginpahibalo sang Nagadumala nga Hubon sang mga Saksi ni Jehova nga gin-agda nila ang pila ka branch nga makigbahin sa pilot program nga hiwaton liwat ang mga miting sang kongregasyon sa mga Kingdom Hall. Ang mga gin-agda nga branch mapili sing mga Kingdom Hall sa mga lugar nga madamo na sing na-vaccine kag diutay ang kaso sang COVID-19. Siempre, samtang ginahimo ini nga programa, dapat sundon ang mga pagsulundan sang gobierno parte sa pagtinipon sa mga duog tilipunan ukon mga indoor gathering. Ini nga pahibalo ginbasa sa pamilya Bethel sa bilog nga kalibutan sang Biernes, Oktubre 15, 2021.

Nagadepende sa resulta sining pilot program kon bala pasugtan man ang iban nga kongregasyon nga maghiwat liwat sang mga miting sang kongregasyon sa Kingdom Hall. Mabasa man sa sini nga pahibalo nga, sa kabilugan, ang tanan nga hilikuton sang organisasyon nga kinahanglan magkitaay sing personal suspended gihapon asta sa Enero 1, 2022.

Ginapasalamatan gid naton ang Nagadumala nga Hubon sa ila pag-atipan sa aton mga kauturan sa bilog nga kalibutan kag sa ila maalamon nga paagi nga amat-amat nga ipasag-uli ang mga hilikuton sang organisasyon. Kabay pa nga ipangamuyo naton kay Jehova nga giyahan kag pakamaayuhon niya ini nga mga kahimusan.—Hulubaton 14:16.