Sang Hunyo 4, 2020, ginsentensiahan sang Supreme Court sa Crimea si Brother Artem Gerasimov nga mapriso sing anom ka tuig bangod lamang sa mahidaiton nga paghimo sang mga hilikuton sang iya relihion. Nangabay sia sa Supreme Court nga ibasura ang orihinal nga sentensia sa iya sang Yalta City Court nga multahan sia sing 400,000 ka rubles (mga $6,000 U.S.). Ginpatuman gilayon ang desisyon sang Supreme Court, amo nga ginpriso si Brother Gerasimov. Iapelar niya ini nga desisyon.