Grabe ang halit sang Bagyo Ian sa Cuba sang Septiembre 27, 2022. Pagkasunod nga adlaw nag-landfall pa gid ini sa southwestern Florida bilang Category 4 nga bagyo. Isa ini sa pinakamabaskog nga bagyo nga nag-igo sa United States, kag may hangin ini nga nakalab-ot sa 240 ka kilometro kada oras. Madamo nga balay ang naguba, madamo nga lugar ang nadulaan sang kuryente, naguba ang mga dalan kag mga taytay, kag madamo man nga lugar ang ginbahaan samtang mahinay ini nga nagapagua pakadto sa Atlantic Ocean. Nag-landfall pa gid ini liwat sa South Carolina.

Bangod sining delikado katama nga bagyo sobra 12,000 ka manugbantala sa Florida ang nagbakwit na ukon kinahanglan gid nga magbakwit.

Ang mga manugtatap sang sirkito upod sa mga representante sang Local Design/Construction nagabulig sa mga elder para maatipan ang panguna nga mga kinahanglanon sang mga nabagyuhan.

Cuba

• Makapasubo nga may 1 ka brother nga napatay

• 2 ka brother ang may gamay nga samad

• 300 ka balay ang may gamay nga guba

• 491 ka balay ang may daku nga guba

• 63 ka balay ang nawasak gid

• 40 ka lugar nga ginatipunan ang may daku nga guba

• 1 ka lugar nga ginagamit para sa asembleya ang may gamay nga guba

• 3 ka lugar nga ginagamit para sa asembleya ang may daku nga guba

Florida

• Wala sing kauturan nga napatay

• 2 ka manugbantala ang may gamay nga samad

• 5,874 ka manugbantala ang wala pa nakabalik sa ila mga balay

• 1,559 ka balay ang may gamay nga guba

• 367 ka balay ang may daku nga guba

• 47 ka balay ang nawasak gid

• 329 ka balay ang nakay-o kag puede na maistaran liwat

• 71 ka balay ang nakay-o na

• 38 ka mga bilding nga ginagamit sang mga Saksi ni Jehova ang may gamay nga guba

• 1 ka Kingdom Hall ang may daku nga guba

• 1 ka Assembly Hall ang may daku nga guba

South Carolina

• Wala sing kauturan nga napatay

• 35 ka manugbantala ang nagbakwit

• 13 ka balay ang may gamay nga guba

• Gina-shepherding sang mga manugtatap sang sirkito kag sang mga elder ang mga pamilya nga nabagyuhan kag nagahatag sang praktikal nga bulig

• 14 ka temporary relief center ang ginpatindog para mabuligan ang mga kauturan sa Florida nga nagbakwit

• May gin-asayn nga mga Disaster Relief Committee sa Florida kag sa Cuba para dumalahan ang pagbulig

• Ang tanan nga pagbulig ginahimo samtang ginasunod ang safety protocol nga ginapatuman bangod sa COVID-19

Bangod sang pagbulig sang aton mga kauturan sa ila mga utod sa sining mabudlay nga sitwasyon, nangin matuod gid ang ginsiling sang isa ka manunulat sang salmo nga: “Ginapalibutan ni Jehova sang iya mainunungon nga gugma ang nagasalig sa Iya.”—Salmo 32:10.