Sang Disiembre 17, 2021, madamo nga pungsod nga miembro sang International Religious Freedom or Belief Alliance a (IRFBA) ang tingob nga nagsulat para suportahan ang mga Saksi ni Jehova nga ginahingabot bangod sa ila pagtuo. Ini nga sulat nagapangabay nga buy-an dayon ang tanan nga napriso nga mga Saksi kag untatan man ang pag-torture kag pagpanakit, pagpang-raid sang mga balay, kag diskriminasyon.

Sa bilog nga kalibutan, sobra 150 ka mga Saksi ni Jehova ang ginpriso bangod sa ila pagtuo, sa mga lugar pareho sang Crimea, Eritrea, Russia, Singapore, kag Tajikistan. “Nabalaka gid” ang mga pungsod nga miembro sang IRFBA sa “paghingabot sa mga Saksi ni Jehova” kag ginsiling nila nga may kinamatarong ang mga Saksi ni Jehova nga himuon ang mga hilikuton sang ila relihion nga “wala sing ginakahadlukan, wala ginapahog, wala sing diskriminasyon, ukon paghingabot.”

Nalipay kita kay may mga gobierno nga handa magsuportar sang aton kinamatarong sa pagsimba. Labaw sa tanan, nahibaluan naton nga padayon nga proteksionan ni Jehova ang ginahingabot naton nga mga kauturan. Nagasalig gid sila nga hatagan niya sila sang “dayon nga paghidait.”—Isaias 26:3.