Sang Abril 15, 2022, minilyon ka mga Saksi ni Jehova sa bilog nga kalibutan upod sa ila gin-imbitar nga mga bisita ang nagselebrar sang Panihapon sang Ginuo. Amo ini ang una nga tion halin sang 2019 nga ginhimo ini nga okasyon sing face-to-face. Ang mga indi maka-attend sa sini nga okasyon sing face-to-face nag-attend paagi sa videoconference.

Ang Memoryal sang kamatayon sang Cristo amo ang pinakaimportante nga miting sang mga Saksi ni Jehova kada tuig. Bangod sang COVID-19 nga pandemic, ini nga okasyon ginhiwat paagi sa videoconference sa nagligad nga duha ka tuig. Sobra 21 ka milyon ka tawo ang nag-attend sa Memoryal sang 2021.

Para sa iban, pareho kay Markensia Remy, nga taga-Haiti, amo ini ang ila una nga face-to-face nga Memoryal. Si Markensia, nga isa pa lang ka tuig nabawtismuhan, nagsiling: “Nalipay gid ’ko sang naka-attend ako sang Memoryal sa Kingdom Hall. Daw indi ko mapaathag ang akon nga kalipay. Nabatyagan ko gid nga bahin ako sining matuod kag malipayon nga pamilya.”

Nagapasalamat gid kita nga ginpakamaayo ni Jehova ang pagselebrar sang Memoryal sini nga tuig. Kag daku gid ang aton pagpasalamat kay Jehova nga Dios kag sa iya Anak, nga si Jesucristo, bangod sa pinakadaku nga gugma nga ila ginpakita.—Juan 3:16.