SEPTIEMBRE 27, 2022
BALITA SA BILOG NGA KALIBUTAN

Nadaug Nila ang Pagluya sang Buot Bangod sa Bulig ni Jehova

I-PLAY

Sa indi madugay, ipahibalo sang Yalta City Court of the Republic of Crimea ang desisyon sini sa kaso ni Brother Taras Kuzo kag sang iya asawa nga si Sister Darya Kuzo, ni Brother Sergey Lyulin kag ni Brother Petr Zhiltsov. Wala pa sing may ginsiling ang piskal kon ano nga sentensia ang gusto niya sa sini nga kaso.

Time Line

Marso 4, 2021

Ginkasuhan si Taras, nga sia kuno ang nagagasto sa isa ka extremist nga organisasyon
Marso 11, 2021

Gin-raid ang siam ka balay sang mga Saksi ni Jehova, lakip ang balay sang mga Kuzo kag ni Sergey. Si Taras ginbutang sa temporary detention
Marso 12, 2021

Ginpagua si Taras pero gin-house arrest sia gihapon, kag indi niya makaupod ang iya pamilya
Hulyo 29, 2021

Ginkasuhan sanday Darya, Petr, kag Sergey. Si Petr ginbutang sa temporary detention center
Hulyo 30, 2021

Gintingob ang ila mga kaso. Ginpagua si Petr pero gin-house arrest gihapon
Agosto 11, 2021

Gin-aresto si Sergey kag gindala sa isa ka pretrial detention nga mga 800 ka kilometro ang kalayuon. Sa tion sang 16 ka oras nga pagbiyahe, ginkadena ang iya mga kamot sa isa ka tubo sa ibabaw sang iya ulo kag ang iya mga tiil ginhigot sa pulungkuan
Marso 1, 2022

Ginpagua si Sergey sa pretrial detention pero gin-house arrest gihapon sia
Abril 4, 2022

Ginsugdan ang hearing
Hulyo 11, 2022

Gintapos ang pag-house arrest kanday Petr, Sergey, kag Taras pero ginbutangan sang restriksion ang ila pagbiyahe

Impormasyon Parte sa Ila

Darya Kuzo

Natawo: 1982 (Voronezh, Voronezh Region)

Biograpiya: Nag-obra sia bilang isa ka maestra, hotel administrator, kag hairdresser. Subong, nagabaligya sia sang mga cosmetics

Natun-an niya ang kamatuoran sa Biblia sang bata pa sia. Nabawtismuhan sia bilang isa sa mga Saksi ni Jehova sang 2000. Napamana niya si Taras sang 2008. May isa sila ka bata nga lalaki kag isa ka bata nga babayi

Ang Iya Ginsiling

Paano ka ginbuligan sang imo kabataan sa sining mabudlay nga tion?

Nadumduman ko pa sang nagpanago ako sa banyo kag nagahilibion nga nagapangamuyo kay Jehova nga buligan ako nga makabatas. Dayon, nagsulod ang akon siam ka tuig nga bata nga lalaki kag ginsilingan ako nga indi maghibi. Ginpakita niya sa akon ang ikaduha nga stanza kag ang koro sang Ambahanon 61, “Sulong Mga Saksi.” Natandog gid ako sang mga tinaga sina nga kanta! Nagapasalamat gid ako kay Jehova sa paggamit sang akon bata para ipahanumdom sa akon nga nagaagi kita sa mabudlay nga dalan, gani kinahanglan naton ang kaisog.

Taras Kuzo

Natawo: 1978 (Yalta)

Biograpiya: Nagaobra sia bilang economist

Interesado sia sa Biblia sugod sang bata pa sia. Naistorya sia sang mga Saksi ni Jehova sang 1999. Nanamian gid sia kay ang tanan niya nga natun-an base sa Biblia. Nabawtismuhan sia sang 2001

Napangasawa niya si Darya sang 2008

Ang Iya Ginsiling

Ano ang nakabulig sa imo para mabatuan ang pagluya sang buot?

Bangod sa restriksion sa pag-house arrest sa akon, indi ko makaupod ang akon pamilya. Wala man ako gintugutan nga maggamit sang telepono kag Internet, gani mabudlay magkontak sa ila. Pirme gid ako ginasubuan. Pero sa kada adlaw nga ginabudlayan gid ako, may utod gid nga nagabisita sa akon. Nagakaumpawan dayon ako sa tapos kami makaistoryahanay. Gintinguhaan ko man nga sauluhon ang aton mga Kingdom song gani nagakanta ako para magamit ko sing maayo ang akon tion. Mahapos batason ang mga pagtilaw kon puno sang espirituwal nga mga butang ang imo hunahuna.

Bangod ginpriso sila, ginbutang sa temporary detention, ukon gin-house arrest, ang mga matutom mahimo magbatyag nga ‘indi na gid makahulag.’ Pero indi gid pagpabay-an ni Jehova ang mga ginahingabot tungod sa iya ngalan.—2 Corinto 4:8, 9.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE