Sang Hunyo 1, 2023, ginhatag sang New York State Department of Environmental Conservation ang permit sa paghawan sang gin-utod nga mga kahoy sa site sa Ramapo. Sang Marso 18, natapos ang pagpang-utod sang mga kahoy, mga duha ka semana antes matapos ang tion nga ginatugutan ini sang mga awtoridad.

Si Brother Robert McRedmond, nga coordinator sang Construction Project Committee (CPC) para sa proyekto sa Ramapo, nagsiling: “Narealisar namon nga sa dalagku nga proyekto pareho sini, ang kada permit kag approval senyales nga malapit na naton masugdan ini nga konstruksion. Nakita na naton nga ginsolbar ni Jehova ang madamo nga problema, kag excited na kita nga makita kon paano niya kita buligan nga masolbar ang mga problema sa palaabuton.”—Isaias 57:14.

Padayon nga nagapanghikot ang CPC upod sa lokal nga mga awtoridad para maaprobahan ang tanan nga plano.