Ang nagligad nga artikulo sini nga serye nagpaathag kon paano gingamit ang jw.org sa pag-release sang aton mga digital publication kag video. Gingamit man ini para maghatag sang sibu nga mga balita parte sa aton mga kauturan sa bilog nga kalibutan. Binagbinagon sining katapusan nga artikulo sa sini nga serye kon paano gingamit ang jw.org sa pagsuporta sa pagbantala nga hilikuton sa bilog nga kalibutan.

Lenguahe: Sang gin-release ang ginpanami pa gid nga website sang Agosto 2012, available ang home page sa 139 ka lenguahe. Sang Agosto 2014, ang tuig nga nagpanagtag sang tract para i-advertise ang website, ang lenguahe sa home page naglab-ot na sa sobra 500 ka lenguahe. Kag nalakip sa sini ang 22 ka sign language. Subong, ang impormasyon sa website available na sa sobra 1,070 ka lenguahe, lakip ang sobra 100 ka sign language.

Suno sa Tion nga mga Artikulo: Sang Oktubre 2019, ginpanami pa gid ang home page sang jw.org, kag ginbutangan ini sang panguna nga artikulo nga may daku nga piktyur nga makakuha gid sang atension. Sa ubos sini, makita ang tatlo ka feature article. Sa bulig sini nga desinyo, mas napadaku ang mga impormasyon sa website nga magamit sa ministeryo. Sang ulihi, ang Writing department kag ang Art department naghimo sang mas madasig nga paagi para ma-feature pirme sa home page ang mga artikulo parte sa pinakaulihi nga mga hitabo sa kalibutan. Halimbawa, ang home page nag-feature sang mga artikulo parte sa COVID-19 nga pandemic sa bilog nga kalibutan. Nag-feature man ini sang mga artikulo parte sa inaway sang Russia kag Ukraine kag sang parte sa grabe kadamo nga refugee nga resulta sini.

Website nga Nagahatag sang Impormasyon Parte sa Aton: Ang jw.org nga website nagabulig sa mga interesado nga mahibaluan ang sibu nga impormasyon parte sa aton organisasyon kag parte sa aton hilikuton. Paagi man sini, makontak sang mga tawo ang mga Saksi ni Jehova kon gusto nila magtuon sing dugang pa. May isa ka apa nga babayi nga naka-Bible study upod sa mga Saksi ni Jehova sang tin-edyer pa lang sia pero nauntat ini sang nagsaylo sia. Gusto niya nga magpa-Bible study liwat pero wala pa gid sang Saksi nga nagkadto sa iya bag-o nga ilistaran. Nadumduman niya ang jw.org nga website kag nag-request nga kadtuan sia paagi sa online form. Pagligad lang sang pila ka adlaw, duha ka espesyal payunir ang nagpanuktok sa iya puertahan. Gani, ginpadayon niya ang iya pag-Bible study kag nag-attend man sia sa mga miting. Bawtismado na sia subong kag ginatudluan man niya ang iya tatlo ka kabataan parte kay Jehova. Sia nagsiling: “Ginapasalamatan ko gid si Jehova nga may website, kay kon wala ako makapil-ap sang online form, siguro nagahulat ako gihapon asta nga may masugata ako nga Saksi.”

Samtang padayon kita nga nagabantala sa mas madamo pa gid nga mga tawo, makapalig-on gid mahibaluan nga ang organisasyon ni Jehova padayon nga magahatag sang epektibo nga mga galamiton para mabuligan ang mga interesado.—Isaias 60:22.

• Video nga gina-download kada bulan

• Adlaw-adlaw nga nagabukas sang website kada bulan

• Pag-release sang opisyal nga logo sang jw.org, Marso 2013

• Available na ang website sa mga sign language, Hulyo 2014

• Ginpanami pa gid ang home page para makuha ang atension sang publiko, Oktubre 2019

• Ginpahibalo ang pag-release sang libro nga Magkabuhi sing Wala Katapusan!, Enero 2022