NEW YORK—Ang mga Saksi ni Jehova nagaimbitar sa publiko nga magtambong sa ila dalagku nga pagtilipon sa 2017.

Sa Martes, Abril 11, 2017, ang mga Saksi sa bilog nga kalibutan magaabiabi sa publiko sa ila pagsaulog kada tuig sang Panihapon sang Ginuo, nga ginatawag man nga Memoryal sang kamatayon sang Cristo. May pinasahi sila nga kampanya nga nagsugod sang Sabado, Marso 18, 2017, kag matapos sa Abril 11, 2017 para agdahon ang tanan paagi sa naimprinta nga imbitasyon nga may detalye kon diin ini hiwaton. Kada tuig, amo ini ang pinakaimportante nga okasyon para sa mga Saksi.

Pagkatapos sang Memoryal, agdahon liwat sang mga Saksi ang publiko para sa 30-minutos nga pamulongpulong base sa Biblia nga may tema “Kon Paano Palambuon ang Paghidait sa Maakigon nga Kalibutan.” Amo ini ang topiko nga binagbinagon sa ila miting para sa publiko sa Abril 15 kag 16, 2017, sa kalabanan nga Kingdom Hall sang mga Saksi ni Jehova sa bilog nga kalibutan.

Sugod sa Mayo 19, 2017, magaumpisa ang tatlo ka adlaw nga tuigan nga kombension sang mga Saksi ni Jehova nga may tema “Indi Mangampo!” Ang kombension una nga hiwaton sa United States kag pagasundan sang mga kombension sa sarisari nga lugar sa bilog nga kalibutan asta sa una nga mga bulan sang 2018. Sa kada kombension, ang mga Saksi magapakigbahin sa tatlo ka semana nga kampanya para agdahon ang publiko sa tilipunan nga pagahiwatan sang kombension sa ila lugar.

Ining mga pagtilipon, kag ang tanan nga miting sang mga Saksi ni Jehova, wala sing bayad. Ang tanan nga media ginaagda nga magkontak sa branch office sang mga Saksi ni Jehova sa ila lugar para mabuligan sila sa pag-cover sini nga mga pagtilipon.

Media Contact:

David A. Semonian, Office of Public Information, +1-845-524-3000