Ginguba sang landslide ang daku nga bahin sang komunidad sang San Jorge Kantutani, sa La Paz, Bolivia, sang Abril 30, 2019. Madamo nga tawo ang nadulaan sing puluy-an.

Maayo lang nga wala sing kauturan naton nga napatay ukon nahalitan, pero ang sanga sa Bolivia nagreport nga duha ka balay sang aton kauturan ang nawasak gid bangod sa landslide. Dugang pa, 11 ka Saksi nga pamilya ang nagaistar man sa sina nga lugar, pero wala gawa maano ang ila mga balay.

Sa pagpanguna sang sanga talatapan, ang Disaster Relief Committee, mga manugtatap sang sirkito, kag ang lokal nga mga gulang nagahatag na sing pagpalig-on sa espirituwal kag praktikal nga bulig. Ang mga kauturan sa sini nga lugar padayon nga nagabantay kay mahimo may masunod pa nga mga landslide kon magsige ang pag-ulan.

Nagapasalamat gid kita nga wala nahalitan ang aton kauturan kag nabaton nila ang bulig nga kinahanglan gid nila.—Galacia 6:10.