Sang Disiembre 24 asta 26, 2021, ang mabunok nga pag-ulan sa Bahia State, Brazil, naghalit sa 640,000 ka tawo. Ang pagbaha nagguba sang mga dam, amo nga nabahaan kag indi makadtuan ang pila ka siudad.

• Wala sang nahalitan sa aton mga kauturan

• 273 ka manugbantala ang nagbakwit

• 109 ka puluy-an ang may gamay nga guba

• 3 ka Kingdom Hall ang may gamay nga guba

• May gin-asayn nga isa ka Disaster Relief Committee (DRC) para maghatag sing tubig, pagkaon, kag panapton

• Ang nagbakwit nga mga kauturan temporaryo nga nagdayon sa ila mga paryente ukon sa iban man nga mga Saksi

• Ang tanan nga pagbulig ginahimo samtang ginasunod ang safety protocol nga ginapatuman bangod sa COVID-19

Si Brother Marcelo Ambrósio, nga miembro sang DRC, nagsiling: “Ang nakita naton nga gugma sang mga kauturan nagapalig-on gid sa aton kag nagapabakod sang aton determinasyon nga alagaron pa gid si Jehova sing bug-os.”

Nahibaluan naton nga si Jehova mangin “malig-on nga dalangpan” sang aton mga kauturan nga apektado sang mga bagyo.—Salmo 9:9.