Ang rehiyon sang Vale do Itajaí sa Santa Catarina sa nabagatnan sang Brazil

• Sang Huebes, Disiembre 17, 2020, nagsugod sa pagbubo ang mabunok katama nga ulan nga nagresulta sa grabe nga pagbaha kag mga landslide

• 22 ka kauturan ang nagbakwit

• Napatay ang aton 65 anyos nga sister sang naanod sang baha nga may lunang ang iya balay

• 15 ka balay ang may gamay nga halit

• Ang mga miembro sang Disaster Relief Committee (DRC), manugtatap sang sirkito, kag ang mga gulang naghimo na sing kahimusan para pabakuron kag buligan ang mga naapektuhan nga kauturan, lakip ang pamilya sang sister nga napatay

• Ang DRC nag-organisar naman sing isa ka team sang mga kauturan para bisitahan ang apektado nga mga siudad. Tan-awon nila kon ano pa nga bulig ang kinahanglan sang mga kauturan kag nagbulig man sila sa pagpaninlo sa mga balay sang kauturan nga nabahaan. Nagpadala man ang DRC sang sobra 2,000 ka litro nga ilimnon nga tubig kag pagkaon sa mga kauturan. Ginhimo nila ini samtang ginasunod ang mga safety protocol nga ginapatuman bangod sa COVID-19

Nasubuan gid kita nga isa naton ka sister ang napatay bangod sa kalamidad. Ginapaabot na gid naton ang tion nga wala na sing kalamidad kag “wala na sing kamatayon.”—Bugna 21:4.