Sa Canada, linibo ka tawo ang nagbakwit bangod sa pagbaha sa mga probinsia sang New Brunswick, Ontario, kag Quebec. Sa Quebec lang, mga 9,000 ka tawo ang nagbakwit sa ila mga balay.

Ang sanga sa Canada nagreport nga sa Quebec, 44 ka balay sang aton kauturan ang nahalitan bangod sa baha. Sa Brunswick kag Ontario, wala pa sing ginreport nga nahalitan, pero padayon gihapon ang pagbaha.

Ang mga manugtatap sang sirkito sa sining apektado nga mga lugar sa Quebec nagbulig na sa lokal nga mga gulang para mag-shepherding sa mga manugbantala. Dugang pa, isa ka representante halin sa sanga ang nagbisita sa sining mga lugar nga ginbahaan para palig-unon ang mga kauturan. Sa rehiyon sang Beauce, naumpisahan na sang mga kauturan ang pagpaninlo kag pagkuha sang lunang sa 20 ka balay sang aton kauturan nga ginbahaan. Sa Sainte-Marthe-sur-le-Lac, may Disaster Relief Committee na nga ginbutang para buligan ang mga kauturan nga nahalitan sang baha ang mga balay.

Ginapangamuyo naton nga ang aton kauturan nga nahalitan sining pagbaha padayon nga magsalig kay Jehova, nga amo ang ‘ila kusog kag gahom.’—Exodo 15:2.