Sang tig-ilinit sang 1946, ginpagua sang mga awtoridad sa Canada ang lamharon nga mga Saksi ni Jehova nga ara sa pila ka labor camp nga nahamtang sa malayo kag naligwin nga lugar sa Canada. Mga 300 ka lamharon naton nga utod ang ginpilit nga magpangabudlay sa mga labor camp kay indi sila magsoldado bangod sang ila konsiensia. Maisugon nga ginbatas sang aton mga kauturan ang ila kahimtangan kag mabakod gihapon sila sa espirituwal sang ginpagua sila. Subong, 75 ka tuig na ang nagligad sugod sang ginpagua ang aton pinalangga nga mga kauturan sa mga labor camp. Si Don MacLean, isa sang mga kauturan nga buhi pa gihapon, nagsiling: “Sa kabilugan, ang tanan ko nga eksperiensia sa tion sang mga tuig sang inaway nagpabakod gid sa akon. Nagapasalamat gid ako kay Jehova kon madumduman ko ini.”