Halin sang Agosto 19 asta 23, 2023, ginwaswasan sang mabaskog nga mga bagyo ang southern Chile nga nagresulta sa grabe nga pagbaha. Makapasubo nga ining pinakaulihi nga pagbaha nag-apekto sa madamo naton nga kauturan nga nabahaan na sa sina nga lugar sang Hunyo 2023. Ang mga report nagsiling nga amo ini ang pinakagrabe nga pag-ulan nga nagtupa sa rehiyon sa sulod sang sobra 10 ka tuig. Ang pag-init sang temperatura sang tubig sa Pacific Ocean, kag ang phenomenon nga El Niño, nagresulta sa mabaskog nga pag-ulan kag pagbaha sa madamo nga lugar. Halos 25,000 ka balay ang naguba ukon nawasak, kag indi magnubo sa tatlo ka tawo ang napatay.

• Wala sang utod nga napatay ukon nasamaran

• 225 ka manugbantala ang kinahanglan magbakwit

• 13 ka balay ang may daku nga guba

• 38 ka balay ang may gamay nga guba

• 3 ka Kingdom Hall kag isa ka balay sang brother nga ginahiwatan sang miting ang may gamay nga guba

• Ang mga manugtatap sang sirkito kag ang mga gulang sa sini nga lugar nagahatag sang praktikal nga bulig kag pagpalig-on halin sa Biblia sa mga naapektuhan

• 2 ka Disaster Relief Committee ang gin-asayn para magdumala sa pagbulig

Ginapangamuyo naton ang aton mga kauturan nga naapektuhan sang pagbaha sa Chile kag ginapaabot naton ang tion nga sa paggahom sang Ginharian sang Dios wala na sang matabo nga mga kalamidad.—Isaias 32:18.